welcome

၈၈၈၈ ကို ဘယ်သူတွေ စခဲ့စခဲ့ ပြည်သူတွေရဲ့ စုပေါင်းပါဝင်မှုက အခရာကျသလို ဘယ်သူတွေပေးဆပ်ပေးဆပ် အဖြူအစိမ်းလေးတွေရဲ့ နီရဲတဲ့သွေး တွေ က အမြဲ သက်သေ တည်နေပါတယ် ။

့ ဆက်ငုံ့ ခံနေရင်တော့ -

Saturday, May 29, 2010




အရင်ကလည်း ဒုက္ခပေးခဲ့တယ်၊ အခုထိ ဒုက္ခပေးနေဆဲ၊ နောက်လည်း ဒုက္ခပေးဖို့  လုပ်နေတယ်ဆိုတော့ ဆက်ငုံ့ ခံနေရင်တော့ -


အာဏာရှင်ကြီး နေ၀င်း ဦးဆောင်ခဲ့တဲ့ မြန်မာဆိုရှယ်လစ်လမ်းစဉ်ပါတီ (မဆလ) ဆိုတဲ့ တစ်ပါတီ အာဏာရှင်အစိုးရ လက်ထက်ကတည်းက နေ၀င်းရဲ့  လူယုံတော်လက်ပါးစေတွေအဖြစ် တာဝန်ထမ်းဆောင်ခဲ့ကြတဲ့ မဆလခေတ် ဗိုလ်မှူးကြီး ဗိုလ်ချူပ်ကြီးတွေက အခုချိန်အထိ တိုင်းပြည်နဲ့  ပြည်သူကို ဒုက္ခပေးနေဆဲပါလား။

အာဏာရှင်ကြီး နေ၀င်း အုပ်ချူပ်နေစဉ် ၁၉၈၈ ခုနှစ် ရှစ်လေးလုံး ပြည်သူလူထုအုံကြွလှုပ်ရှားမှုကြီး ဖြစ်တဲ့အခါမှာ တစ်ပါတီအာဏာရှင်စနစ် ပြိုကျပျက်သုန်းခဲ့လို့  တိုင်းပြည်ကို ၁၉၆၂ ခုနှစ်ကနေ နှစ်ပေါင်း (၂၆) နှစ်တိုင်အောင် ဖိနှိပ်အုပ်ချူပ်ခဲ့တဲ့ မြန်မာဆိုရှယ်လစ်လမ်းစဉ်ပါတီနဲ့  နေ၀င်း အာဏာရှင်အစိုးရတစ်ဖွဲ့ လုံး ကျဆုံးရပ်တန့် သွားခဲ့တယ်ဆိုပေမယ့် နေ၀င်းအာဏာရှင်ရဲ့  အမာခံလက်ပါးစေကြီးတွေကတော့ ကျန်နေဆဲ ဖြစ်ပါတယ်။

၁၉၈၈ ခုနှစ် စက်တင်ဘာလမှာ စစ်တပ်က အာဏာသိမ်းတယ်ဆိုပြီး ပြည်သူ့ အာဏာကို နောက်တစ်ကြိမ် လက်နက်နဲ့  အနိုင်ကျင့်ပြီး ရဟန်းရှင်လူ ကျောင်းသားပြည်သူများစွာကို ရက်ရက်စက်စက် သတ်ဖြတ်ကာ အာဏာရူးလက်သစ် ဖြစ်တဲ့ စောမောင်ကနေ နိုင်ငံတော်ငြိမ်ဝပ်ပိပြားရေးအဖွဲ့  (န၀တ) ဆိုပြီး အသွင်ပြောင်းပြီး စစ်အာဏာရှင်စနစ်နဲ့  စိုးမိုးဗိုလ်ကျအုပ်ချူပ်လာတဲ့အချိန်မှာ ၁၉၉၀ ခုနှစ် ပါတီစုံအထွေထွေရွေးကောက်ပွဲ ကျင်းပတဲ့အခါမှာတော့ စောစောက ပြောတဲ့ အာဏာရှင်ကြီး နေ၀င်းရဲ့  အမာခံတပည့် လက်ပါးတော် ဗိုလ်မှူးကြီး ဗိုလ်ချူပ်ကြီးတွေက ယူနီဖောင်းလဲ အရပ်ဝတ်နဲ့  ရွေးကောက်ပွဲမှာ အနိုင်ရအောင် ပြန်လည်ပါဝင် ခေါင်းထောင်လာကြပါတယ်။

အာဏာရှင်ကြီး နေ၀င်း အာဏာပြုတ်ကျသွားလို့  အခြေအနေယိမ်းယိုင်ကာ တိမ်မြုပ်ပျောက်ကွယ်သွားသလိုနဲ့  ပုန်းလျှိုးနေတဲ့ အာဏာရူးလက်သပ်မွေး လက်ပါးစေကြီးတွေဟာ တိုင်းရင်းသားစည်းလုံးညီညွတ်ရေးပါတီ (တစည) ဆိုတဲ့ အသွင်ပုံစံတစ်မျိုးနဲ့  ၁၉၉၀ ခုနှစ် ရွေးကောက်ပွဲကို ပါဝင်ယှဉ်ပြိုင်ခဲ့ပေမယ့် ပြည်သူက ရှုတ်ချကန့် ကွက်ခဲ့ကြလို့  အနိုင်မဲ မရဘဲ အရှက်တကွဲနဲ့  အရှုံးကြီး ရှုံးကာ မဆလခေတ်ဟောင်း ဗိုလ်မှူးကြီး ဗိုလ်ချူပ်ကြီးများရဲ့  တစညပါတီဟာ တစ်ခါပြန်ပြီး ပုန်းအောင်းသွားပြန်တယ်။

အခုတစ်ခါ အာဏာရူးကြီး သန်းရွှေလက်ထက် နအဖအာဏာတည်မြဲရေးနဲ့  တရားဝင် ရုပ်သေးအစိုးရပေါ်ပေါက်ရေးတို့ အတွက် သဲသဲမဲမဲ စီစဉ်ဆောင်ရွက်နေတဲ့ ၂၀၁၀ ခုနှစ် နအဖရွေးကောက်ပွဲမှာ ပြန်လည် ၀င်ရောက်ယှဉ်ပြိုင်ဖို့ အတွက်ဆိုပြီး ဥက္ကဌနဲ့  အဖွဲ့ ဝင်တွေ ပြောင်းလဲကာ အသက်ပြန်သွင်းလာတဲ့ ပါတီက စောစောက ပြောတဲ့ တိုင်းရင်းသားစည်းလုံးညီညွတ်ရေးပါတီ (တစည) ဘဲ ဖြစ်ပါတော့တယ်။

အာဏာရှင်ကြီး နေ၀င်းလက်ထက်မှာလည်း စစ်တပ်ရာထူးကြီးကြီးမားမားတွေနဲ့  တိုင်းပြည်ကို မွဲပြာကျအောင် ဒုက္ခပေးခဲ့တယ်။ န၀တ အာဏာရှင် စောမောင် လက်ထက်မှာလည်း တစညပါတီကို တည်ထောင်ပြီး ယူနီဖောင်းချွတ် အရပ်ဝတ်တွေနဲ့  တိုင်းပြည်ကို ဒုက္ခပေးဖို့  ကြိုးပမ်းခဲ့ကြပြန်တယ်။ အခုလည်း အာဏာရူးကြီး သန်းရွှေလက်ထက်မှာ မတရားပြဌာန်းလိုက်တဲ့ ၂၀၀၈ ခုနှစ် နအဖ ဖွဲ့ စည်းပုံအခြေခံဥပဒေပါ စစ်တပ်က ၂၅% ဘက်အပြင် အခြားကျန်နေတဲ့ဘက်ကနေ လှည့်ဖြားဝင်ဖို့ အတွက် လက်ရှိ စစ်တပ်က ဗိုလ်ချူပ်ကြီးတွေ ယူနီဖောင်းချွတ် အရပ်ဝတ်လဲတဲ့အပြင် မဆလခေတ်ဟောင်း ဗိုလ်မှူးကြီး ဗိုလ်ချူပ်ကြီးဟောင်းတွေကလည်း တစညပါတီ အသက်ပြန်သွင်းပြီး တိုင်းပြည်နဲ့  ပြည်သူကို အထပ်ထပ် အခါခါ ဒုက္ခထပ်ပေးဖို့  လုပ်နေကြတယ်ဆိုတော့ အင်မတန်ကို လွန်လွန်းလှပါတယ်။

အာဏာရှင် မဆလခေတ်တုန်းက ကျွန်တော်တို့  အဘိုးအဘွားတွေကို ဖိနှိပ်ချူပ်ချယ်ခဲ့လို့  အားမရသေး၊ ၁၉၈၈ ခုနှစ် အာဏာရူး စောမောင်လက်ထက်မှာ ကျွန်တော်တို့  ရဟန်းရှင်လူ ကျောင်းသားပြည်သူတွေကို သတ်ဖြတ်ယုတ်မာခဲ့လို့  အားမရသေး၊ အခု အာဏာရူး သန်းရွှေလက်ထက်မှာလည်း ကျွန်တော်တို့ ရဲ့ ပြည်သူ့ ရင်သွေး မျိုးဆက်သစ်လေးတွေကို စစ်တပ်ကျွန်ဘ၀ ဆက်သွင်းပြီး ဖိနှိပ်ချူပ်ချယ် အုပ်ချူပ်ဦးမယ်ဆိုတော့ဗျာ၊ ဒီ သေခါနီး မဆလခေတ်က ဗိုလ်မှူးကြီး ဗိုလ်ချူပ်ကြီးဟောင်းတွေ အသက်ကြီးပြီး မိုက်ရိုင်းနေတုန်း မိုက်ရိုင်းနေဆဲပါလားဗျာ။

ဒီ မဆလခေတ်က ဗိုလ်မှူးကြီး ဗိုလ်ချူပ်ကြီးဟောင်းတွေရဲ့  တစညပါတီကို မဲပေးရမယ့်အစား ကိုယ်ရဲ့ မျိုးဆက်သစ်တွေ ဒုက္ခမရောက်ဖို့  ကိုယ့်ကိုကိုယ် တုံးတိုက်တိုက် ကျားကိုက်ကိုက် ရင်ဆိုင်တိုက်ပွဲဝင်ရင်း သေသွားကြတာကမှ သေသောဝ်မှတည့် သြော် ကောင်း၏ဆိုတဲ့ အဆိုစကားအတိုင်း တန်ဖိုးထိုက်တန် မြတ်ဦးမယ်။

ဒီ မဆလခေတ်က ဗိုလ်မှူးကြီး ဗိုလ်ချူပ်ကြီးဟောင်းတွေရဲ့ လမ်းစဉ်အတိုင်း ပုံတူလုပ်နေကြတဲ့ အာဏာရူးသန်းရွှေတို့ ရဲ့  ဗိုလ်ချူပ်ကြီးများကလည်း အချို့ က လက်ရှိ စစ်ယူနီဖောင်းနဲ့  ၂၅% ဘက်ကနေ လှည့်ဝင်၊ ကျန်တဲ့ ရာခိုင်နှုန်းဘက်က ယူနီဖောင်းချွတ်ပြ အရပ်ဝတ်လဲဟန်ဆောင်ပြီး ၀င်ပြနဲ့ နောက်ဆုံးတော့ ၂၀၁၀ ရွေးကောက်ပွဲကြီးဟာ သူတို့ အားလုံး ဟိုဘက်ကရော ဒီဘက်ကရော လှည့်ပတ်ပြီး ၀င်ရောက်ကာ အကွက်ချစီစဉ်တဲ့ မျက်နှာဖုံးပြောင်းပွဲကြီးသာ ဖြစ်ပါတော့တယ်။

မဆလခေတ်က ဗိုလ်မှူးကြီး ဗိုလ်ချူပ်ကြီးဟောင်းတွေရဲ့  တစညပါတီကို ဥက္ကဌ အဖြစ်တာဝန်ယူသူက ဦးထွန်းရီတဲ့။ ဦးထွန်းရီဆိုတာ မဆလခေတ် နေ၀င်းလက်ထက်မှာ နေ၀င်းလူယုံတော် လက်ပါးစေ ဒုဗိုလ်ချူပ်ကြီးဘဲ။ နောက်တစ်ယောက်က တစညပါတီ အထွေထွေအတွင်းရေးမှူးအဖြစ် ဦးသန်းတင်တဲ့။ သူလည်း မဆလခေတ် နေ၀င်းလက်ထက်မှာ နေ၀င်းလူယုံတော် လက်ပါးစေ ဗိုလ်မှူးကြီးဘဲ။

အခု အသက်ပြန်သွင်းထားတဲ့ တစညပါတီရဲ့  ဥက္ကဌ ဦးထွန်းရီဟာ စစ်တပ်ကိုယ်ပိုင်အမှတ် (ကြည်း ၅၀၉၆) ဖြစ်ပြီး ၁၉၇၂ ကနေ ၁၉၇၄ အထိ ခြေမြန်တပ်မဌာနချူပ် အမှတ် (၇၇) ကို ဗိုလ်မှူးကြီးအဆင့်နဲ့  တာဝန်ယူခဲ့သူဘဲ။ ၁၉၇၄ ကနေ စပြီး ဗိုလ်မှူးချူပ် ဖြစ်လာခဲ့တယ်။ ၁၉၈၁ မှာ ဒုတိယ ဗိုလ်ချူပ်ကြီးအဆင့်နဲ့  ဒုတိယကာကွယ်ရေးဦးစီးချူပ် (ကြည်း) တာဝန်ကို ယူကာ အာဏာရှင်ကြီး နေ၀င်းရဲ့  လူယုံတော် လက်ပါးစေအရင်းကြီး ဖြစ်တယ်။

အခု တစညပါတီရဲ့  အထွေထွေအတွင်းရေးမှူး ဦးသန်းတင်ကလည်း စစ်တပ်ကိုယ်ပိုင်အမှတ် (ကြည်း ၅၆၀၃) ဖြစ်ပြီး ၁၉၇၁ ကနေ ၇၄ အထိ အနောက်တောင်တိုင်း စစ်ဌာနချူပ်ကို ဗိုလ်မှူးကြီးအဆင့်နဲ့ တာဝန်ယူခဲ့တာ ဖြစ်တယ်။ နောက် မဆလခေတ်မှာ ဒုဝန်ကြီးချူပ်အဆင့်အထိ တာဝန်ယူခဲ့သူ ဖြစ်တယ်။

အခု တစညထဲမှာ ပါဝင်နေကြတဲ့သူတွေ ဖြစ်တဲ့ ဦးချစ်လှိုင်က နေ၀င်းမဆလခေတ်က ဒုကာကွယ်ရေးဦးစီးချုပ် (ရေ) နဲ့  နိုင်ငံခြားရေးဝန်ကြီးတာဝန်ကို ယူခဲ့သူ ဖြစ်တယ်။ နောက်တစ်ယောက် သူရဦးစောဖြူဆိုရင်လည်း နေ၀င်းမဆလခေတ်မှာ ဒုကာကွယ်ရေးဦးစီးချုပ် (လေ) နဲ့  သယ်ယူပို့ဆောင်ရေးဝန်ကြီး လုပ်ခဲ့သူ ဖြစ်တယ်။ နောက်တစ်ယောက် ဦးထွေးဟန်ဆိုရင်လည်း နေ၀င်းရဲ့  အာဏာရှင်တစ်ပါတီဖြစ်တဲ့ မြန်မာ့ဆိုရှယ်လစ်လမ်းစဉ်ပါတီ (မဆလပါတီ) ရဲ့  ဗဟိုအလုပ်အမှုဆောင်ကော်မတီ အတွင်းရေးမှူးကြီး ဖြစ်ခဲ့တယ်။

တစညပါတီကသူတွေ အားလုံးဟာ အာဏာရှင်ကြီး နေ၀င်းလက်ထက်က နေ၀င်းရဲ့  အာဏာရှင်တစ်ပါတီနဲ့ နေ၀င်းအစိုးရအောက်မှာ လုပ်ခဲ့ကြသူ နေ၀င်းရဲ့  တပည့်လက်ပါးစေ လူယုံတော်လက်သပ်မွေးတွေ ဖြစ်ကြတယ်။ နအဖ အာဏာရူးသန်းရွှေက သူရဲ့  ဆရာကြီး စီနီယာကြီးတွေကို ပသ ကိုးကွယ်ထားပြီး မဆလခေတ်ဟောင်းက ဒီအမျိုးအဆက်အနွယ်တွေကို အသက်ပြန်သွင်းတာကတော့ အာဏာရူးသန်းရွှေ မိုက်ရိုင်းတဲ့ လက်ချက်ပါဘဲ။

ကဲ - ကျွန်တော်တို့  တိုင်းပြည်နဲ့ လူမျိုးကို ခေတ်အဆက်ဆက် ဆက်တိုက် ဒုက္ခပေးလာသူတွေနဲ့  လက်ရှိ ဒုက္ခပေးနေသူတွေဟာ တစ်စိတ်ထဲ တစ်ဥာဏ်ထဲ တစ်သွေးထဲ တစ်သားထဲ မိုက်ရိုင်းဆဲဆိုတာ တွေ့ ကြမှာပါ။

ကျွန်တော်တို့  အဘိုးအဘွား အဖေအမေ လက်ထက်လည်း အာဏာရှင်လက်အောက်မှာ ဖိနှိပ်ချူပ်ချယ်ခံခဲ့ကြရတယ်၊ ကျွန်တော်တို့ လက်ထက်လည်း အာဏာရှင်လက်အောက်မှာ ဖိနှိပ်ချူပ်ခံရရုံတင်မကဖူး ဘ၀တွေ ပျက်သုန်းကြရတယ် …. အခု ဒီအာဏာရူးကြီးတွေနဲ့  သူတို့  အာဏာရှင်မျိုးဆက်ပေါက်စလေးတွေရဲ့  ဖိနှိပ်ချူပ်ချယ်မှုအောက်မှာ ကျွန်တော်တို့  ပြည်သူတွေရဲ့  မျိုးဆက်သစ်လေးတွေ ဒုက္ခအရောက်ခံကြမှာလား ပေးကြုံတွေ့ ကြမှာလား မြင်ရက်ကြမှာလား …..

ကျွန်တော်တို့  ပြည်သူတွေရဲ့  မျိုးဆက်သစ်လေးတွေ ဒုက္ခအရောက် မခံစေချင်ရင် ပေးကြုံမတွေ့ စေချင်ရင် မမြင်ရက်ရင်တော့ လက်ရှိ ကျွန်တော်တို့ အားလုံး တစ်ဦးချင်းစီတိုင်းမှာ ဘ၀ပေး တာဝန်ရှိတယ်ဆိုတာ သိကြဖို့ ပါဘဲ။ ကိုယ့်ခေတ်မှာ ကျရောက်လာတဲ့ ကိုယ့်ပုခုံးပေါ်က တာဝန်ကို ကိုယ် ရဲရဲဝန့် ဝန့် နဲ့  တာဝန်ယူရဲကြဖို့ ပါဘဲ။

at 9:35 PM
ကိုနစ်နေမန်း ထံမှ

0 comments: