welcome

၈၈၈၈ ကို ဘယ်သူတွေ စခဲ့စခဲ့ ပြည်သူတွေရဲ့ စုပေါင်းပါဝင်မှုက အခရာကျသလို ဘယ်သူတွေပေးဆပ်ပေးဆပ် အဖြူအစိမ်းလေးတွေရဲ့ နီရဲတဲ့သွေး တွေ က အမြဲ သက်သေ တည်နေပါတယ် ။

မေဒေး များစွာ

Friday, April 29, 2011

မေဒေးနေ့ သည် အမေရိကန်နိုင်ငံ ချီကာကိုမြို့ ရှိ ကျောက်မီးသွေးတွင်းတူးအလုပ်သမားများမှ တနေ့အလုပ်ချိန် ၁၄ နာရီ
ခိုင်းစေခံရပြီးကျန်းမာရေးစောင့်ရှောက်မှုမဲ့သည့် အတွက် အလုပ်သမားများမှမခံမရပ်နိုင်ဖြစ်ပြီးတောင်းဆိုတိုက်ပွဲဝင်ခဲ့တဲ့နေ့
ဖြစ်ပါတယ်။

အသက်ပေါင်းများစွာ ပေးဆပ်ခဲ့ရပြီးမှ အောင်ပွဲအဖြစ် တနေ့အလုပ်ချိန် ၈နာရီ သတ်မှတ်ခံခဲ့ရတယ်။ကမ္ဘာအရပ်ရပ်က
အလုပ်သမားများပါ တန်းတူခံစားခွင့်ရခဲ့ကြသည့် မေလ(၁)ရက်နေ့ ကို မေဒေးနေ့ဟု သတ်မှတ်ခဲ့ပါတယ်။
ထိုနေ့ကိုကမ္ဘာ့အလုပ်သမားအောင်ပွဲ နေ့ကြီးအဖြစ် ကမ္ဘာတစ်ဝှမ်း တွင် နှစ်စဉ် ဂုဏ်ပြုကျင်းပခဲ့ကြပါတယ်။

မေဒေးနေ့အောင်ပွဲကို အားကျသဖြင့် မြန်မာအလုပ်သမားများ ရသင့်ရထိုက်သောအခွင့်အရေးများသိရှိစေရန်၊ တောင်းဆို
တတ်စေရန် စေတနာဇောနှင့် အလုပ်သမားများအား သင်တန်းပေးရန် (မြန်မာနိုင်ငံ အမေရိကန်သံရုံးစာကြည့်ဆောင်တွင်)
ကြိုးစားခဲ့ကြသော NLD လူငယ် (ဒဂုံမြို့သစ်) လူငယ်ရှေ့နေ ကိုကျော်ကျော် နှင့် NLD လူငယ် (မရမ်းကုန်း) ဥပဒေ ကျောင်းသား ကိုသူရိန်အောင် အပါအ၀င် လူငယ် (၆) ဦးအား စစ်အုပ်စုမှ ဖမ်းဆီးထောင်ချ ထားသည်မှာ ယနေ့ထက်တိုင်ဖြစ်ပါတယ်။

ထိုလူငယ်များမှလည်း မည်သည့်အလုပ်သမားအဖွဲ့ အစည်း၏ တာဝန်ယူမှု တာဝန်ခံမှု စောင့်ရှောက်မှုကို မရရှိမခံစားရခြင်း
ကို ကျမအနေနဲ့ အင်မတန်စာနာသနားမိပါတယ်။ သို့အတွက် အလုပ်သမားရေးရာဆိုင်ရာ အားနည်းနေချက် များအား မေဒေးနေ့အမှတ်တရအပြင် ခံစားနားလည်ပြီး ပူးပေါင်းဆောင်ရွက်နိုင်ကြဖို့ အမှန် တကယ်လိုအပ်နေတဲ့ကာလ
ဖြစ်ပါတယ်။ မေဒေးနေ့အောင်ပွဲကို ပျော်ပွဲဆင်တာထက် မြန်မာ အလုပ်သမားတွေ အလုပ်သမားအခွင့်အရေးကို နိုင်ငံတကာပြဌါန်းချက်နဲ့အညီရရှိဖို့ရန်မှာ မြန်မာအလုပ်သမားထုကို ကိုယ်စားပြုမယ့် အလုပ်သမားသမဂ္ဂများ အလုပ်သမား
အစည်း အရုံးများ ဖြစ်ပါတယ်။ ကျမတို့  အလုပ်သမားအရေးတွေ ဘယ်လောက်လုပ်ပြီးပြီလဲ ---

ကျမနဲ့ သမဂ္ဂ
၈၈ အရေးတော်ပုံထဲမှာ ကျောင်းသားဘ၀နဲ့ ချဉ်းနင်းဝင်ရောက်ခဲ့ပါတယ်။ မပြီးဆုံးသေးတဲ့တိုက်ပွဲအတွင်းမှာ နိုင်ငံရေး
တော်လှန်ရေးကိုပဲ တစိုက်မတ်မတ် လုပ်လာခဲ့ပါတယ်။ ၂၀၀၄ တွင် ပြည်ပရောက်လာပြီး အလုပ်သမားရေးကိုပါ
ဆောင်ရွက်နိုင်ဖို့ အခွင့်အရေးတခု ရခဲ့ပါတယ်။

ပြည်ပမထွက်ခင် ၂၀၀၃-၂၀၀၄ မှာ မိဘပြည်သူများအကူအညီတောင်းခံမှုကြောင့် အိုင်အယ် အို၊ အိုင်စီအာစီကို
ဘယ်သူကမှ မတိုက်တွန်းပဲ သွားရောက်ခဲ့ပြီး အဓမ္မ စေခိုင်းတဲ့ပြဿနာတွေ ကလေးစစ်သားအရေးကိစ္စတွေကို နိုင်ငံတကာဌါနတွေဆီ အကြောင်း ကြားတင်ပြပေးခဲ့တဲ့ အခြေခံစိတ်ဓါတ်နဲ့ လုပ်ရပ်ကြောင့် ပြည်ပရောက်လာတဲ့
အခါ အလုပ် သမားရေးဆောင်ရွက်သူ အကြီးအကဲတချို့ဆီက အလုပ်သမားအခွင့်အရေး ဆိုင်ရာ နည်းလမ်း နိုင်ငံတကာစံချိန်စံညွန်းတွေကို သင်ယူခွင့်ရခဲ့ပါတယ်။

မြန်မာနိုင်ငံမှာ စစ်အုပ်စုမတရားမှုဒဏ်ကို ခါးစည်းခံရတဲ့ ပြည်သူထဲကအများစုဟာ အလုပ် သမားထု ဒီအလုပ်သမားအခွင့်အရေးချိုးဖောက်ခံရမှုကို အချက်အလက်ပိုင်နိုင်တဲ့ အထောက် အထားနဲ့ ICJ ကို တင်ပြနိုင်
မယ်ဆိုရင်ဘယ်ဗီတိုအာဏာရနိုင်ငံကမှမပယ်ချနိုင်တဲ့(စစ်အုပ်စု ကို ကုလသမဂ္ဂကနေ အရေးယူနိုင်မယ့်နည်းလမ်းကို)
ကျမ ပိုင်ပိုင်နိုင်နိုင်ရယူဆုပ်ကိုင်ချင်ခဲ့ ပါတယ် ။

အလုပ်သမားအခွင့်အရေးဆိုင်ရာတောင်းပွဲ တိုက်ပွဲတွေကနေ စစ်အာဏာရှင်ကို ပြောင်းလဲပစ် နိုင်မယ့် တိုက်ပွဲလမ်းစဉ်
တခုလို့ ကျမယုံကြည်ခဲ့ပါတယ်။ အဲဒီယုံကြည်ချက်ဟာ ယနေ့ထိ မပျယ်သေးပါဘူး။ တကယ်လုပ်ကြမှ လုပ်နိုင်မှ ရမယ့်ကိစ္စ ဖြစ်တာမို့ ကြိုးစားဆောင်ရွက် ကြည့်ပါသေးတယ်။

လက်တွေ့ မှာတော့
ကျမတို့ကိုယ်တိုင်က မြန်မာအလုပ်သမားတွေကို လွတ်လပ်တဲ့သင်းပင်းတွေ ဖွဲ့ဖို့ဟောပြောနေ စည်းရုံးသင်ကြားပေးနေကြပေမဲ့ ကျမတို့ကိုယ်တိုင် သမဂ္ဂအဖွဲ့ဝင်တွေကို လွတ်လွတ်လပ်လပ် စည်းရုံးခွင့်မရခဲ့ပါဘူး။ အလုပ်သမားအခွင့်အရေးဆိုင်ရာ မူတွေထဲ
က ပရယ်ပိုဇယ် ရနိုင်ရေး နည်းနာဖြစ်တဲ့ ဆန္ဒပြမှုတွေ တောင်းပွဲ တိုက်ပွဲတွေအတွက်သာ ခွင့်ပြုခဲ့ကြပါတယ်။ အများအတွက်
လုပ်ရင်း ကိုယ်ပါ ပုံစံခွက်ထဲ ဘောင်ခတ်ခံနေရတာ သတိထားမ်ိချိန်မှာပဲ ကျမ ရုန်းထခဲ့ရပါတယ်။

ကျမလို အခြားသော အလုပ်သမားရေးဆောင်ရွက်ချင်သူတွေရဲ့ ခံစားချက်အသီးသီးကိုလည်းမျက်လုံးနဲ့ဒက်ထိ တွေ့ဆုံမိ
တဲ့အခါမှာ ကျမတို့ မြန်မာနိုင်ငံအနေနဲ့ကတော့ အလုပ်သမားတွေရဲ့အခွင့်အရေးကို ဘယ်လိုအဖွဲ့အစည်းကမှ အကာအကွယ် မပေးနိုင်သေးပါဘူးဆိုတာသုံးသပ်လို့ ရနိုင်ခဲ့ပါတယ်.။ မဆလ တပါတီအာဏာရှင် န၀တ နအဖ စစ်အာဏာ ရှင် စတဲ့စနစ်
ဆိုးတွေကအလုပ်သမားတွေကို လွတ်လပ်စွာစုရုံးခွင့် လွတ်လပ်စွာဖွဲ့စည်းခွင့် တွေပိတ်ပင်တာခံခဲ့ရသလိုယနေ့ ထက်ထိလည်း
အလုပ်သမားအခွင့်အရေးတွေ ချိုးဖောက်ခံနေရဆဲပါ ။

၈၈ ခုနှစ်မှစတင်၍ယခုအချိန်အထိ မည်သည့် အစည်းအရုံးကမှ အလုပ်သမားတွေရဲ့အကျိုးကို အမှန်တကယ် မသယ်ပိုးပေး
နိုင်ကြသေးဘူး ဆိုတာ မီးမောင်းထိုးပြဖို့ ကိုယ့်မှာတာဝန်ရှိလာပြီလို့ နားလည်မိလာပါတယ်။

အများစုရဲ့ အခွင့်အရေးကို စောင့်ရှောက်ဖို့ ကာကွယ်ဖို့ စိတ်ကူးကောင်းနဲ့ အလုပ်သမားအဖွဲ့ တွေ တည်ဆောက်ခဲ့တဲ့ အကြီးအကဲများဟာလည်း အဖွဲ့အစည်းတခုရယ်လို့ တကယ်ဖြစ် တည်လာရင် အလုပ်သမားသမဂ္ဂရဲ့မူတွေကိုအကြီးအကဲ
တွေ ကိုယ်တိုင်ကကျောခိုင်းတော့ တာပါပဲ။ သမဂ္ဂ ဆိုတဲ့ မူရင်းဝေါဟာရကိုက အများနဲ့ စုပေါင်းလုပ်ကိုင်ရမယ့် အစည်း
အရုံး ကြီးဖြစ်ရမှာကို မေ့လျော့ပြီး သမဂ္ဂ ဟာ ကိုယ်ပိုင်ဥစ္စာ ဖြစ်တော့တာပါပဲ။ အလုပ်သမားကို ကိုယ်စားပြုတဲ့ သမဂ္ဂ
ဖြစ်စေ အဖွဲ့ငယ်ဖြစ်စေ NGO အခြေခံတဲ့ အသင်းအပင်းဖြစ်စေ ယနေ့ ထက်ထိ ကျမလက်တွေ့ လေ့လာမိသလောက်
တော့ စစ်အုပ်စု ချိုးဖောက်တဲ့ အချက်အလက်တွေ တင်ပြနိုင်တာနဲ့ တင်ပြတောင်းဆိုနိုင်တဲ့ နည်းလမ်းတွေ ပေးနိုင်တာ
ကလွဲရင် ဘယ်အသင်းအပင်းကမှ မြန်မာအလုပ်သမားထုကို ကိုယ်စားပြု၍သော် လည်းကောင်း မြန်မာအလုပ်သမားတွေ အခွင့်အရေးတိုးတက်စေဖို့ကိုလည်းကောင်း မဆောင် ရွက်နိုင်သေးပါဘူး။

တချို့ကဆိုပါတယ်၊ တော်လှန်ရေးကာလမို့ စည်းထားရမယ်၊ ကန့်သတ်ထားရမယ်လို့ ပြောကြပါတယ်။ လက်တွေ့မှာ မလိုလားသူကိုသာ ရန်သူ့လူလို့သတ်မှတ်ပြီး လိုလားရင် ရန်သူ့ လူဖြစ်ပါစေ အကာအကွယ်မျိုးစုံပေးတော့တာပါပဲ။ အမှန်တကယ်တော့ အလုပ်သမား အစည်းအရုံးဆိုတာ အလုပ်သမားအစစ်ဖြစ်တဲ့ အဖွဲ့ဝင် ဘယ်လောက် စည်းရုံးထားနိုင်သလဲ၊ အဲဒီ့အလုပ်သမားတွေက ကိုယ့်အစည်းအရုံးကို အားကိုးမှု ယုံကြည်မှု ဘယ်လောက်ရှိသလဲ ဆိုတာအရေးကြီးပါတယ်။ နာမည်ကြားတာနဲ့  ဟင်း-ဟဲ---အဲ ဆိုပြီး ဝေးဝေးရှောင်ချင်နေကြ ရင်တော့ ဒါဟာ ကျင့်ဝတ်မဲ့တဲ့သင်းပင်း ဖြစ်နေပြီလား
ဆိုတာ သုံးသပ်ရမှာဖြစ်ပါတယ်။

ကိုယ့်ပတ်သက်ရာဝန်းကျင်လောက်ကလူတွေ ဆွဲထုတ်ပြပြီး (မဆလခေတ် ၀န်ကြီး ကြွလာလို့ သန့်ရှင်းရေးလုပ်
လူစုရတဲ့ဌါနလို) နိုင်ငံခြားသားတွေ နိုင်ငံတကာသမဂ္ဂ အကြီးအကဲတွေ ရှေ့ ဟန်ပြရုံလောက်နဲ့တော့ နိုင်ငံခြားသား
အကြိုက် ပိုက်ဆံရတာကလွဲပြီး အလုပ်သမား ထုရဲ့ အခွင့်အရေး အဲဒီ့အစည်းအရုံးတွေဆီက ရကိုမရခဲ့ပါဘူး။

ဒီအချိန်မှာ ထင်သာမြင်သာ ရှိလာတာက မြန်မာတွေ အမြင်မကျယ်တာမဟုတ်ဘဲ နိုင်ငံခြားသားတွေ အမြင်ကျဉ်းတာကို တွေ့ရတယ်။ နိုင်ငံခြားသားတွေ၊ အထူးသဖြင့် အင်တာနေရှင်နယ်က အလုပ်သမားဦးရေ ဘယ်နှစ်သန်းရှိပါတယ်ဆိုတဲ့ သမဂ္ဂအကြီးအကဲအများစုဟာ သူတို့ဘာသာစကားကို ခရားရေ လွတ်ပြောတတ်သူဟူသမျှရဲ့လှည့်ဖျားမှုအောက်မှာ Recomment(ထောက်ခံမှု) တွေ အမျိုးမျိုး ပေးပြီး
ချီးမြှောက်တော့တာပါပဲ။ သူတို့ကိုယ်သူတို့တော့ မြန်မာပြည်ကို သိတ်စာနာတဲ့ လေဘာယူနီယံခေါင်းဆောင်ကြီးတွေပေါ့။ -- သေချာတာတော့ သူတို့စာနာမှုဟာ တရားမဲ့မှု တွေ စွဲကိုင်ထားသူတွေရဲ့ဒုတ်လက်နက်ဆိုတာ သူတို့မသိရှာဘူး။ -- ရဲဘော်တယောက်က တော့ပြောပါတယ်၊ အဲဒီအဖြူတွေ သိတယ်၊ သိကိုသိတယ်တဲ့။ မအဘူးတဲ့။ သူတို့ကိုယ်တိုင် က ပုလင်းတူဗူးစို့တွေမို့လို့နေမယ်တဲ့။
--- ဒီလိုဆိုရင်လည်း ကျမတို့က အလုပ်သမား ခေါင်းဆောင်ပါလို့ အမည်ခံသူတွေကိုပဲပြောရမှာ၊ ဗိုလ်ချုပ်ပြောသလို ခင်ဗျားတို့သောက်ကျင့် ဆိုး တွေကိုပြင်ကြ ပါ လို့ပဲ ပြောရမှာပါပဲ။
မေဒေးများစွာ
မေဒေးနေ့ကိုတော့ ကျမငယ်ငယ်ထဲက ကြားရသိရတယ်။ လူ့အသက်တွေ များစွာရင်းနှီး ဆုံးရှုံးပြီးမှ အလုပ်ချိန်
၈ နာရီ သတ်မှတ်နိုင်တာတဲ့။ မြန်မာအလုပ်သမားတွေမှာတော့ မေဒေး များစွာပေါ့။ - ဒါပေမဲ့ အခွင့်အရေး
မရသေးတဲ့မေဒေးများစွာပါပဲ။ မသေသင့်ပဲသေခဲ့ရတဲ့ အလုပ်သမားတွေရဲ့အသက်တွေ၊ မပျက်သင့်ဘဲပျက်ခဲ့ရတဲ့ အလုပ်သမားထုရဲ့ဘ၀တွေ၊ အကျဉ်းထောင်ထဲ မရောက်သင့်ပဲ ရောက်နေကြရတဲ့ အလုပ်သမားအခွင့်အရေး
လိုလားသူတွေ -----------။။။။။။
အဲဒါတွေကို တကယ်ပဲစာနာစိတ်များစွာ ကိုယ်ချင်းစာစိတ်များစွာနဲ့ ကျမတို့ ကြိုးစားကြရ အောင်။ မြန်မာအလုပ်
သမားထုကို အမှန်တကယ်ကိုယ်စားပြုမယ့် အစည်းအရုံး၊ စစ်အုပ်စုရဲ့ လက်ခုပ်ထဲကမဟုတ်တဲ့ အစည်းအရုံး၊
အမည်ခံဟန်ပြ ပိုက်ဆံရဖို့ပဲမဟုတ်တဲ့ အစည်းအရုံး၊ ဆုံးရှုံးနေတဲ့ အလုပ်သမားတွေရဲ့ရပိုင်ခွင့်ကို အစိုးရ-
အလုပ်ရှင်တွေထံက ကိုယ်ကျိုးမပါဘဲ ရဲရဲရင့်ရင့် တောင်းပေး တိုက်ပေးမယ့်အစည်းအရုံး၊ အလုပ်သမားထု
ကိုယ်တိုင်က ဦးဆောင်သူတွေကို ယုံကြည်မှုရှိမှ ရဲရင်တက်ကြွမှာမို့ တရားသဖြင့် ခေါင်းဆောင်မယ့် သခင်ဖိုးလှကြီးလို
အလုပ် သမားခေါင်းဆောင်ကောင်းများ အမြန်ဆုံးပေါ်ထွက်စေရန် ၀ိုင်းဝန်းကြိုးစားကြပါစို့လို့ တိုက် တွန်းရင်း ကျမကိုယ်တိုင်လည်း ယုံကြည်တဲ့လမ်းကြောင်းပေါ်မှာ ခိုင်မြဲတဲ့အလုပ်နဲ့ လျောက် လှမ်းပါမယ်ဆိုတဲ့အကြောင်း (၁၂၁)ကြိမ်မြောက် မေဒေးနေ့ ကိုဂုဏ်ပြု ရင်းတော်လှန်ရေးသစ္စာနဲ့ တင်ပြလိုက်ရပါတယ်။

မေအိခင်(လယ်ဝေး)
၁-၅-၂၀၁၁
www.laminkhinkhin.blogspot.com
www.laminkhin.blogspot.com

နှစ်သစ်မင်္ဂလာ မှာ ဂါရ၀ပြုထိုက်သူဟူသမျှကို ဂါရ၀ပြုလိုက်ပါတယ် --

Monday, April 18, 2011




မြန်မာတို့ ရဲ့ နှစ်သစ် ကို ရိုးရာစဉ်လာမပျက် ကုသိုလ်ကောင်းမှုတွေ နဲ့ 
ကျော်ဖြတ်ခဲ့ကြတယ် အဖွဲ့ ချုပ် ဗဟို နဲ့ ကျမတို့ လူချင်းသာဝေးကွာ
နေရပေမဲ့ ကုသိုလ်တွေ နဲ့ နှစ်သစ် ကိုကျော်ဖြတ်နေကြတာချင်းတူတူမို့ 
ပီတိဖြစ်ရပါတယ် ပါရမီ ကျင့်စဉ် တွေကိုကျင့်နေကြတဲ့ခေါင်းဆောင်ကောင်း
များစိတ်ကောင်းစေတနာ ကဦးဆောင်ရတဲ့ သီလ သမာဓိ ပညာ ပြည့်စုံတဲ့
တနေ့ တရက် တမနက် ကြီးသူ မိမိထက် မြင့်မြတ်တဲ့အကျင့်သီလ ပိုင်
ဆိုင်သူဟူသမျှကို ဂါရ၀ ပြု ဦးခိုက်ပါတယ် ။ နှစ်သစ်မှစချမ်းမြေ့ကြပါစေ။။။။။











ဆယ်စုနှစ်အသံရှင်

Thursday, April 14, 2011

ဝမ်းမြောက်နုမော သာဓု ခေါ်ပါတယ် အန်တီ

Sunday, April 10, 2011


လူထုခေါင်းဆောင်၏ ရဟန်းဒကာအဖြစ်ခံယူခြင်း အလှူအား သာဓု သာဓု သာဓု ပါ


ဆရာပါရဂူ ကွယ်လွန်သွားသည့်အတွက် နှမျောတသ မိပါကြောင်း

Saturday, April 9, 2011

ဆရာ ပါရဂူ၏ စာအုပ်အတော်များများ မှ အလွန်အဖိုးတန်တဲ့ မင်းနဲ့ ပြည်သူ စာအုပ် ကို ကျမ ဖတ်ရချိန်မှာ
ဆရာ့အပေါ်အတော်တန်ဖိုးထားမိပါတယ်။ဆရာ့ကျေးဇူးတွေ ကျမတို့ မြန်မာပြည်သူတွေ မေ့မှာမဟုတ်ပါဘူး ။
ဆရာ ကောင်းရာ သုဂတိ လားပါစေ-------
မေအိခင်(လယ်ဝေး)


ကွယ်လွန်သူ စာရေးဆရာကြီး ပါရဂူ (၁၉၂၁-၂၀၁၁) ၏ ကိုယ်ရေးအကျဉ်း

အမည်ရင်း - ဦးလှကြိုင်
မိဘအမည် - ဦးဘစော + ဒေါ်မေတုတ်
မွေးသက္ကရာဇ် - ၁၉၂၁ ခုနှစ်၊ နိုဝင်ဘာလ (၁ဝ) ရက်
မွေးဖွားရာဒေသ - ဟင်္သာတခရိုင်၊ သန္ဓံသနော့ကျေးရွာ
ကလောင်အမည်ခွဲများ - ဝိဇ္ဇာ၊ လှကြိုင်၊ ပုဏ္ဍရိက

ဆရာပါရဂူသည် ဧရာဝတီတိုင်း၊ ဟင်္သာတမြို့နယ်၊ လသန္ဗံသနော့ရွာ မူလတန်းကျောင်း၌ စတုတ္ထတန်းအထိ ပညာသင်ကြားခဲ့သည်။ (၁၂) နှစ်သားအရွယ်တွင် သန္ဗံသနော့ ဘုန်းတော်ကြီးကျောင်း၌ ကိုယ်ရင်ဝတ်သည်။ ဘွဲ့အမည်မှာ ရှင်ပုဏ္ဍရိက ဖြစ်သည်။ (၁၄) နှစ်အရွယ်တွင် ဟင်္သာတမြို့ မြစ်ကွေးကျောင်းတိုက်၌ ပညာသင် သည်။ ရှင်ပုဏ္ဍရိက ဘွဲ့အမည်ကို ရှင်ပါရဂူ ဘွဲ့အမည်ပြောင်းသည်။ (၁၅) နှစ်အရွယ်တွင် သန်လျင်မြို့နယ် လဟာရက်ရွာ ပထမပြန်စာသင်တိုက်မှ အစိုးရ ပထမပြန်စာမေးပွဲ ပထမငယ်တန်း အောင်မြင်သည်။ (၁၆) နှစ် အရွယ်တွင် ပထမလတ်တန်း၊ (၁၇) နှစ် အရွယ်တွင် ပထမကြီးတန်းတို့ကို အောင်မြင်သည်။ ထိုနှစ်က ဟံ သာဝတီ တခရိုင်လုံး ပထမကြီး နှစ်ပါးတည်း အောင်မြင်ရာ တပါးမှာ ရှင်ပါရဂူ ဖြစ်သည်။ ပထမပြန်စာမေးပွဲ သမိုင်း၌ ထိုနှစ် ထိုအချိန်ထိ (၁၇) နှစ်နှင့် ပထမကြီး အောင်မြင်သူ နှစ်ပါးတည်းသာရှိရာ တပါးမှာ ရှင်ပါရဂူ ဖြစ်သည်။

၁၉၃၉ ခုနှစ်တွင် ‘မျိုးညွန့်နွယ်’ အမည်ဖြင့် တိုးတက်ရေးမဂ္ဂဇင်း၊ သာမဏေ ရှင်ပါရဂူ အမည်ဖြင့် ဒဂုန်မဂ္ဂဇင်း တို့တွင် ဆောင်းပါးများ ရေးသည်။ ၁၉၄ဝ ပြည့်နှစ်တွင် ရန်ကုန်မြို့၌ ကျင်းပသော အစိုးရ ဓမ္မာစရိယ စာမေး ပွဲတွင် ဂုဏ်ထူးသုံးကျမ်းဖြင့် အောင်မြင်သည်။ တိုးတက်ရေးမဂ္ဂဇင်းတွင် ‘ဘုန်းကြီးကျောင်းသား’ အမည်ဖြင့် ‘ဝိပါက်’ ဝတ္ထုနှင့် ‘ရင်သွေး’ ဝတ္ထုတို့ကို ရေးသည်။

၁၉၄၂ ခုနှစ်တွင် မြစ်ကွေ့ကျောင်းတိုက် စတုတ္ထဆရာတော် ဦးပညာဝံသကို ဥပဇ္ဈာယ်ဆရာ အရာထားပြီး ဘ ကြီးတော်သူ ဦးဘိုးသီ၊ ဒေါ်စောလေးတို့က ရဟန်းဒါယကာပြုလျက် ဥပသမ္ပ ကံဆောင် ပဉ္စင်းအဖြစ် ရောက်ရှိ ခဲ့သည်။ ၁၉၄၄ ခုနှစ်တွင် သန်လျင်မြို့ ဂျပန်စာသင်ကျောင်း (ယခင် စိန်ဂျောဂျက်) ၌ ဂျပန်စာ နှစ်နှစ် သင် သည်။ မြန်မာတနိုင်ငံလုံးရှိ ဂျပန်စာသင်ကျောင်းများအတွက် ထုတ်ဝေသော ဂျပန်စာစောင်၌ ဂျပန်ဘာသာ ဆောင်းပါးရေးသည်။




၂၀၁၁၊ ဖေဖော်ဝါရီလ (၂) ရက်နေ့က ၀ါးခယ်မ သခင်သိန်းမောင် (၀ဲအစွန်) ၏ (၉၂) နှစ်ပြည့် မွေးနေ့ပွဲတွင် ဆရာပါရဂူကို ဒေါ်အောင်ဆန်းစုကြည်၊ ဦးတင်ဦးတို့နှင့်အတူ တွေ့ရစဉ်

အိန္ဒိယသူဌေးကြီး ဗီရလာ၏ အရိဓမ္မ ပညာတော်သင်ဆုဖြင့် ၁၉၄၇ ခုနှစ်တွင် အိန္ဒိယနိုင်ငံ ဗာရာဏသီမြို့ ဗာ ရာဏသီ ဟိန္ဒူတက္ကသိုလ်၊ အိုရီယမ်တယ်ကောလိပ်၌ ဟိန္ဒီနှင့် သက္ကတ သင်သည်။ ထိုအချိန်တွင် မိဂဒါဝုန် မ ဟာဗောဓိအသင်းက ထုတ်ဝေသော ဟိန္ဒီဘာသာ ဓမ္မဒူတ စာအုပ်၌ ဟိန္ဒီဘာသာဆောင်းပါး ရေးသည်။ ဂျာ နယ်ကျော်၌လည်း ရေးသည်။ ၁၉၅၂ တွင် မြန်မာနိုင်ငံသို့ ပြန်လာသည်။ ‘ဝိဇ္ဇာ’ အမည်ဖြင့် ဗော်လဂါမှ ဂင်္ဂါ သို့ (ဒုတိယပိုင်း) ရေးသည်။ ၁၉၅၄ ခုနှစ်တွင် ‘ပါရဂူ’ အမည်ဖြင့် ဗုဒ္ဓစကား ရေးသည်။ ၁၉၅၅ ခုနှစ်တွင် လူ ဝတ်လဲသည်။

၁၉၅၆ ခုနှစ်တွင် နယူးဒေလီမြို့ အာရှစာရေးဆရာများညီလာခံ အတွင်းရေးမှူးအဖွဲ့သို့ မြန်မာစာရေးဆရာ ကိုယ်စားလှယ်အဖြစ် တက်ရောက်သည်။ ၁၉၅၇-၆၁ အထိ မြန်မာနိုင်ငံရှိ အိန္ဒိယသံရုံး ပြန်ကြားရေး ဘာသာ ပြန်အရာရှိအဖြစ် တာဝန်ထမ်းဆောင်ခဲ့သည်။ ၁၉၅၈ မှ ၁၉၆၁ အထိ မြန်မာနိုင်ငံစာရေးဆရာအသင်းတွင် အ မှုဆောင် တာဝန်ထမ်းဆောင်သည်။ ၁၉၆၃ ခုနှစ်တွင် ‘သုန္ဒရာနန္ဒ ခေါ် ညီတော်မင်းနန်’ စာအုပ်ဖြင့် အနုပညာ ဆိုင်ရာ ဘာသာပြန်စာပေဆု ချီးမြှင့်ခြင်းခံရသည်။

၁၉၆၃ မှ ၁၉၆၅ အထိ မြန်မာနိုင်ငံစာရေးဆရာသမဂ္ဂအသင်း အမှုဆောင်၊ မြန်မာနိုင်ငံစာပေပြန့်ပွားရေးအ သင်း အမှုဆောင်၊ ၁၉၇၁ မှ ၁၉၇၅ အထိ မြန်မာစာကော်မရှင်အဖွဲ့ အဖွဲ့ဝင် တာဝန်များကို ထမ်းဆောင်ခဲ့ သည်။ ၁၉၈၅ ခုနှစ်တွင် မြန်မာနိုင်ငံ ကောလိပ်နှင့် တက္ကသိုလ်များ၏ အရှေ့တိုင်းစာပေသင်ကြားရေးအဖွဲ့ အ ဖွဲ့ဝင်အဖြစ် စတင်ဆောင်ရွက်သည်။ အိန္ဒိယနိုင်ငံ ဗာရာဏသီမြို့ ဟိန္ဒီဘာသာဖြင့် ထုတ်ဝေသော အာဂ်ျ (AJ) နေ့စဉ်သတင်းစာတွင် ပါရဂူ အမည်ဖြင့် ဗာရာမာကီကျိတ္တိ (မြန်မာပြည်မှ ပေးစာများ) ရေးသော ပင်တိုင် ဆောင်းပါးရှင်ဖြစ်သည်။ ကရာချိမှ အင်္ဂလိပ်ဘာသာဖြင့် ထုတ်ဝေသော ယူနက်စကို နယူးစ်လက်တားတွင် ‘လှကြိုင်’ အမည်ဖြင့် မြန်မာနိုင်ငံစာပေယဉ်ကျေးမှု သတင်းဆောင်းပါးများ ရေးသည်။

၁၉၈၆ တွင် ‘ဂေါရီ’ စာအုပ်ဖြင့် ၁၉၈၆ ခုနှစ် အမျိုးသားစာပေဘာသာပြန်ဆု ချီးမြှင့်ခြင်းခံရသည်။ ၁၉၈၉ ခုနှစ် တွင် မြန်မာပြည် တဂိုးအသင်း ဥက္ကဋ္ဌ၊ မြန်မာပြည် ဟိန္ဒီအသင်း ဥက္ကဋ္ဌ၊ ၁၉၉၈ ခုနှစ် မြန်မာနိုင်ငံ ယဉ်ကျေးမှု တက္ကသိုလ် ပညာရေးအဖွဲ့ အဖွဲ့ဝင်၊ အပြည်ပြည်ဆိုင်ရာ ဓမ္မဂီရိ ဝိပဿနာအဖွဲ့ (ဓမ္မ ဇောတိ) အမှုဆောင်၊ မင်္ဂ လာဗျူဟာ ပရဟိတအဖွဲ့ ဥက္ကဋ္ဌ တာဝန်များ ထမ်းဆောင်ခဲ့သည်။

၂ဝဝဝ ပြည့်နှစ်တွင် ပြန်ကြားရေးဝန်ကြီးဌာန မြန်မာရည်ညွှန်းကျမ်း စီစဉ်ရေးအဖွဲ့ အဖွဲ့ဝင်၊ နော်ဝေရောက် အိန္ဒိယအမျိုးသားများ အင်္ဂလိပ်-ဟိန္ဒီ နှစ်ဘာသာဖြင့် ထုတ်ဝေသော သျှံတိဒူတ မဂ္ဂဇင်း၏ အကြံပေး တာဝန် ထမ်းဆောင်သည်။

၂ဝဝ၁ ခုနှစ်၊ ပခုက္ကူ ဦးအုန်းဖေ၏ တသက်တာစာပေဆု ချီးမြှင့်ခြင်း ခံရသည်။ ဆရာပါရဂူသည် ၂ဝဝ၁ ခုနှစ် အသက် (၈ဝ) ပြည့်ချိန်တွင် လုံးချင်းစာအုပ် (၁ဝဝ) အထိ ပုံနှိပ်ထုတ်ဝေခဲ့သည်။

ဆရာပါရဂူသည် တဂိုးအား ဂုဏ်ပြုသောအားဖြင့် ရွှေပေါက္ကံမြို့သစ်တွင် ပါရဂူရှန်တိနိကေတန် စာကြည့်တိုက် ကြီးကို တည်ထောင်ခဲ့သူ၊ တဂိုးစာပေအသင်းကြီး၏ ဥက္ကဋ္ဌလည်းဖြစ်သည်။

ဆရာကြီးသည် အမှတ် (၃)၊ ငါးထပ်ကြီးဘုရားလမ်း၊ ဗဟန်းမြို့နယ်တွင် နှစ်ပေါင်းများစွာ နေထိုင်ခဲ့ပြီး ၂၀၀၄ ခုနှစ်မှစ၍ ကွယ်လွန်ချိန်အထိ ရွှေပေါက္ကံမြို့သစ် (၁၆) ရပ်ကွက်၊ ဦးပုညလမ်း အမှတ် (၉၈၈/ ၉၉၀) ၌ တည် ရှိသည့် ပါရဂူရှန်တိနိကေတန် စာကြည့်တိုက်တွင် နေထိုင်ခဲ့သည်။

ရေးသားထုတ်ဝေခဲ့သော စာအုပ်များ

1. ကဗျာဆရာ၏ အသိုက် - ၂ဝဝဝ ပြည့်နှစ်
2. ကာဓမ္ဗရီနှင့် အခြားဝတ္ထုများ
3. ကျန်းမာရေးသဝဏ်လွှာ
4. ကွန်မြူနစ်ဝါဒသာလျှင် အဘယ်ကြောင့်
5. ခေါမဒဿနပညာရှင် - ၁၉၉၆ ခုနှစ်
6. ဂါမဏိ
7. ဂါမတီ
8. ဂေါရီ - ၁၉၈၅ ခုနှစ်
9. ဂင်္ဂါနှင့် ဧရာဝတီ - ၁၉၉၅ ခုနှစ်
10. ဂျလရာမ်
11. ငှက်ဓမ္မသဘင် - ၂ဝဝဝ ပြည့်နှစ်
12. စကရ - ၁၉၉၉ ခုနှစ်
13. စကားပြောသော ရုပ်တုများ - ၁၉၉ဝ ပြည့်နှစ်
14. စာပေခရီးသည် - ၁၉၉၈ ခုနှစ်
15. စိတ္တရလေခါ - ၁၉၇၉ ခုနှစ်
16. ဆိုရှယ်လစ်ဝါဒ - ၁၉၆၄ ခုနှစ်
17. ဆည်းဆာကြယ်နှင့် အခြားဝတ္တုတိုများ
18. ဈင်ဗုဒ္ဓဘာသာ
19. ညီတော်မင်းနန် - ၁၉၈၉ ခုနှစ်
20. တဂိုး၏ တံလျှပ်ရေထင် ရွှေသမင်ဥပမာနှင့် အခြားဝတ္ထုတိုများ
21. တဂိုး၏ ရာဇကုမာရီနှင့် အခြားဝတ္ထုတိုများ
22. တဂိုး၏ ဝတ္ထုတိုပေါင်းချုပ် - ၁၉၇၅ ခုနှစ်
23. တဂိုး၏ ဝတ္ထုတိုများ - ၁၉၉၇ ခုနှစ်
24. တဂိုး၏ သံသယနှင့် အခြားဝတ္ထုတိုများ
25. တရားရေစီးကြောင်း - ၁၉၉ဝ ပြည့်နှစ်
26. တော်လှန်သော အတွေးအခေါ်များ
27. တမ္ဗပဏ္ဏိ - ၁၉၉၉ ခုနှစ်
28. ဒဂုန်ဦးထွန်းမြင့်
29. ဒိဗျာ
30. ဒေသစာရီ ဝေသာလီ
31. ဒေါဏ၏ အတ္တကထာ (ပထမတွဲ) - ၁၉၉၅ ခုနှစ်
32. ဒေါဏ၏ အတ္တကထာ (ဒုတိယတွဲ) -
33. ဒိုဟာဓမ္မကဗျာ - ၁၉၉ဝ ပြည့်နှစ်
34. ဓမ္မစကား - ၁၉၇၄ ခုနှစ်
35. ဓမ္မ ဘဝတလျှောက်နေသွားနည်း အတတ်ပညာ - ၁၉၈ဝ ပြည့်နှစ်
36. နီတိပုံပြင်များ - ၁၉၉၃ ခုနှစ်
37. နေရာနှင့် အခြားဝတ္ထုများ
38. နေရူး၏ သမီးထံပေးစာ
39. နိုင်ငံရေးဒဿန
40. နိဗ္ဗာန် - ၁၉၆၉ ခုနှစ်
41. နှစ်ဆယ့်နှစ်ရာစု
42. ပရကထာ (တစေ့တစောင်း စာရေး ဆရာများအကြောင်း) - ၁၉၈၉ ခုနှစ်
43. ပလေတို
44. ပီယဒဿီ - ၁၉၈၅ ခုနှစ်
45. ပုဂံခရီးသည်
46. ပုဂံခရီးသည် (အင်္ဂလိပ်)
47. ပုဂံဈေးနှင့် အခြားဝတ္ထုတိုများ
48. ပဉ္စတန္ဈရ - ၁၉၆၅ ခုနှစ်
49. ပဉ္စာကထာ - ၂ဝဝ၁ ခုနှစ်
50. ပဏ္ဍိတကထာ - ၁၉၉၇ ခုနှစ်
51. ပန်းပုဆရာ
52. ဖော်မဲ့ဟင်္သာ - ၁၉၉၄ ခုနှစ်
53. ဗာဗာဒိုဟာ
54. ဗော်လဂါမှ ဂင်္ဂါသို့ (ဦးဆန်းထွန်းနှင့်)
55. ဗော်လဂါမှ ဂင်္ဂါသို့ (ဒုတိယပိုင်း)
56. ဗုဒ္ဓဂုဏဝန္ဒနာ
57. ဗုဒ္ဓစကား - ၁၉၅၄ ခုနှစ်
58. ဗုဒ္ဓဒိုင်ယာရီ - ၁၉၆၄ ခုနှစ်
59. ဗုဒ္ဓနှင့် ဆိုရှယ်လစ်ဝါဒ
60. ဗုဒ္ဓဘာသာနှင့် မာ့က်စ်ဝါဒ
61. ဗုဒ္ဓမြတ်စွာ - ၁၉၉၅ ခုနှစ်
62. ဗုဒ္ဓယဉ်ကျေးမှု ပြဇာတ်များ - ၂ဝဝ၁ ခုနှစ်
63. ဗုဒ္ဓသာသနာ စည်ပင်ပြန့်ပွားပုံ သမိုင်း
64. ဘဝခရီးသည် - ၁၉၉၆ ခုနှစ်
65. ဘဝမင်္ဂလာ
66. ဘုရားကျောင်း တံမြက်လှည်းသမားနှင့် အခြားဓမ္မဝတ္ထုများ
67. မဟာခရီးသည်
68. မဟာလူသားဗုဒ္ဓ - ၁၉၈၉ ခုနှစ်
69. မင်းနှင့် ပြည်သူ
70. မဇ္ဈိမပဋိပဒါနှင့် ဓမ္မဝတ္ထုတိုများ - ၁၉၉၅ ခုနှစ်
71. မြန်မာ-သီရိလင်္ကာ သာသနာဆက်သွယ်ရေး
72. ယယာတီ
73. ယောဂီ၏ ဘဝဂါထာ - ၁၉၉၂ ခုနှစ်
74. ရာဇာနှင့် ဘိသိက် - ၁၉၈၂ ခုနှစ်
75. ရာဇာနှင့် သာသနာ
76. ရာဟုလာသံကိစ္စည်း - ၁၉၇၇ ခုနှစ်
77. ရေစီးကြောင်း (စာပေ/ယဉ်ကျေးမှု) - ၁၉၉၃ ခုနှစ်
78. လူ့ဘောင်သစ်
79. လယ်တီပဏ္ဍိတ ဦးမောင်ကြီး - ၁၉၉၅ ခုနှစ်
80. ဝေတာလ ဝတ္ထု - ၁၉၈ဝ ပြည့်နှစ်
81. ဝေဒနာ
82. ဝေသာလီ
83. ဝတ္ထုသမုဒ္ဒရာ - ၁၉၆၆ ခုနှစ်
84. သာလဝတနှင့် အခြားဝတ္ထုတိုများ - ၁၉၉ဝ ပြည့်နှစ်
85. သားတော် ရာဟုလာ - ၁၉၇ဝ ပြည့်နှစ်
86. သီပေါ၏ မဟေသီ - ၁၉၇၂ ခုနှစ်
87. သီဟသေနာပတိ
88. သူလိုလူ - ၁၉၈၁ ခုနှစ်
89. သိဒ္ဓတ္ထ- ၁၉၆၄ ခုနှစ်
90. ဟိတောပဒေသ - ၁၉၅၅ ခုနှစ်
91. အညမည သဘောတရားနှင့် ဗုဒ္ဓအဘိဓမ္မာ
92. အရစ္စတိုတယ် - ၁၉၉၅ ခုနှစ်
93. အမေ့ခံ ခရီးသည် - ၁၉၇၇ ခုနှစ်
94. အမ္ဗပါလီ - ၁၉၇၆ ခုနှစ်
95. အိန္ဒိယခရီးသည် - ၁၉၉၆ ခုနှစ်
96. အိန္ဒိယရုပ်တုနှင့် မြန်မာရုပ်တု စကားဆွေးနွေးခန်း
97. ဥတ္တရခရီးသည်