Saturday, October 3, 2009
ပြည်သူ့ လွတ်မြောက်ရေး လှုပ်ရှားမှု ကွန်ယက်
၏ ၂၀၁၀ ရွေးကောက်ပွဲနှင့် စပ်လျဉ်းသော သဘောထားထုတ်ပြန်ချက်
၂၀၁၀ ရွေးကောက်ပွဲ နီးကပ်လာသည်နှင့်အမျှ ပြည်တွင်း၊ ပြည်ပ နိုင်ငံရေးအင်အားစုများနှင့် နိုင်ငံ တကာအဖွဲ့ အစည်းအသီးသီးတို့တွင် ရွေးကောက်ပွဲနှင့် သက်ဆိုင်သော အမြင်သဘောထားများ ရှုပ်ထွေး ခြင်း၊ ၀ိဝါဒကွဲ ပြားခြင်းများ ဖြစ်ပေါ်လျက် ရှိပါသောကြောင့် ပြည်သူ့လွတ်မြောက်ရေးလှုပ်ရှားမူ ကွန်ယက်၏ ၂၀၁၀ ရွေးကောက်ပွဲနှင့် စပ်လျဉ်းသော သဘောထားကို အောက်ပါအတိုင်း ထုတ်ပြန်ကြေငြာလိုက်သည်။
၁။ န.အ.ဖ ကျင်းပမည့် ၂၀၁၀ ရွေးကောက်ပွဲသည် ၄င်းတို့စိတ်ကြိုက်ရေးဆွဲထားသော၂၀၀၈ ဖွဲ့စည်း ပုံ အခြေခံဥပဒေကို အခြေခံ၍ အုပ်ချုပ်မည့် အစိုးရ၊ လွှတ်တော်၊ တရားစီရင်ရေး စသည်တို့ ပေါ်ထွက် လာပြီး စစ်အာဏာရှင်စနစ် သက်ဆိုးရှည်ရေးကိုသာ ဖော်ဆောင်မည်ဖြစ်သည်။ ပြည်သူလူထုတရပ်လုံးနှင့် တိုင်းရင်းသား လူမျိုးစုများအားလုံး လိုလားတောင်းတလျက်ရှိသော စစ်မှန်သော ဒီမိုကရေစီစနစ် ပေါ်ထွက် လာမည် မဟုတ်ဟု ကျွန်ုပ်တို့မှ ရှုမြင်သည်။
၂။ ထို့ကြောင့် န.အ.ဖ ၏ နိုင်ငံရေးလမ်းကြောင်းအတိုင်း လိုက်ပါလုပ်ဆောင်ကြမည်ဆိုပါက လက်ရှိ တိုင်းပြည်၏ စီးပွားရေး၊ နိုင်ငံရေး၊ လူမှုရေး အကျပ်အတည်းများအပြင် တိုင်းရင်းသား လူမျိုးစုများနှင့် ဖြစ်ပွားလျက်ရှိသော ပြည်တွင်းစစ် ပြဿနာများ၊ တနေ့ထက်တစ်နေ့ တိုးပွားလာနေသော ဒုက္ခသည်များ စသည့် အထွေထွေ ချွတ်ခြုံကျမှုများသည် ယနေ့ကာလ အကျပ်အတည်းများထက် ပိုမိုဆိုးဝါးလာပြီး တိုင်းပြည်ပျက်သုဉ်းသည် အထိ ဖြစ်ပေါ်လာပေလိမ့်မည်ဖြစ်သည်။
၃။ မြန်မာနိုင်ငံ၏ လက်ရှိရင်ဆိုင်နေရသော အကျပ်အတည်းနှင့် နိုင်ငံရေး ပြဿနာများ ပြေလည်စေ ရေးအတွက် ဆိုလျှင် နအဖအနေဖြင့် ဒေါ်အောင်ဆန်းစုကြည်အပါအ၀င် နိုင်ငံရေး အကျဉ်းသားများ အားလုံး လွှတ်ပေးပြီး တိုင်းရင်းသား ပြည်သူလူထုတစ်ရပ်လုံးမှ ရွေးကောက်အတည်ပြုခဲ့သော ၁၉၉၀ခုနှစ် ရွေးကောက်ပွဲမှ အနိုင်ရပါတီများ၊ တိုင်းရင်းသားလူမျိုးစု မဟာမိတ် အင်အားစုများနှင့် တွေ့ဆုံညှိနှိုင်း အဖြေရှာခြင်းသည်သာ အကောင်းဆုံး နည်းလမ်းဖြစ်ပေသည်။
၎။ ယနေ့အချိန်တွင် အထက်ဖေါ်ပြပါ အပြုသဘောဆောင်သည့် နိုင်ငံရေး ပြုပြင်ပြောင်းလဲမှုများအား
မျက်ကွယ်ပြု၍ ၂၀၁၀ ရွေးကောက်ပွဲကိုဦးတည်လျက် ကြိုတင်ပြင်ဆင်မှုများ လုပ်ဆောင်နေကြသည့် အင်အားစုများ အနေဖြင့် န.အ.ဖ ၏ လုပ်ရပ်ကို တိုက်ရိုက်ဖြစ်စေ၊ သွယ်ဝိုက်၍ဖြစ်စေ အားပေးသည့်သဘော သက်ရောက်နေပေသည်။ ၂၀၁၀ ရွေးကောက်ပွဲကို အထောက်အကူဖြစ်စေမည့် လုပ်ရပ်များသည် တိုင်း ပြည်အတွက် ပိုမို ရှုတ်ထွေးစေသော လုပ်ရပ်များပင်ဖြစ်သည်။
ထို့အတူ န.အ.ဖ မှ တိုင်းရင်းသား လက်နက်ကိုင် အဖွဲ့အစည်းအချို့ကို ရွေးကောက်ပွဲ ၀င်ရောက်ယှဉ်ပြိုင် ကြရန် အတွက် ဖိအားပေးခြင်း နည်းဖြင့်လည်းကောင်း၊ အဓမ္မ စည်းရုံးသိမ်းသွင်းခြင်း နည်းဖြင့်လည်းကောင်း လုပ်ဆောင်နေခြင်းများကို ပြင်းထန်စွာ ဆန့်ကျင်ရှုံ့ချသည်။
၅။ န.အ.ဖ အနေဖြင့် ၂၀၁၀ ရွေးကောက်ပွဲကို ပြည်သူလူထုများ အမှန်တကယ် လိုလားချက်များနှင့် ဆန့်ကျင်ပြီး အတင်းအဓမ္မ ကျင်းပမည်ဆိုပါက အမျိုးသား လွတ်မြောက်ရေးလှုပ်ရှားမှု အသွင်ဖြင့် လူထု လှုပ်ရှားမှုများကို တနိုင်ငံလုံး ပြုလုပ်သွားပြီး ထိုမှတဆင့် ပေါ်ထွက်လာမည့် ဒီမိုကရေစီ အစိုးရတစ်ရပ် ပေါ်ပေါက်လာစေရေးအတွက် ပြည်တွင်းပြည်ပ အင်အားစုများနှင့် ပူးပေါင်းဆောင်ရွက် တိုက်ပွဲဝင်သွားမည် ဖြစ်ကြောင်း ပြည်သူ့လွတ်မြောက်ရေးလှုပ်ရှားမှု ကွန်ယက်မှ ထုတ်ပြန်ကြေငြာလိုက်သည်။
ဆက်သွယ်ရန်၊ - နိုင်ဥဿာ - ၀၈၅၀၅၂၇၃၀၆
- ကိုယဉ်ထွေး - ၀၈၄၅၇၅၅၄၁၇
ပြည်သူ့ လွတ်မြောက်ရေးလှုပ်ရှားမှု ကွန်ယက်
နေ့စွဲ၊ ၃ရက်၊ အောက်တိုဘာလ၊ ၂၀၀၉ ခုနှစ်။
0 comments:
Post a Comment