Monday, March 29, 2010
“ဒု ဥက္ကဋ္ဌ ဦးတင်ဦး ကြေညာတာက ပါတီ ဗဟိုအလုပ်အမှုဆောင် ကော်မတီက ဆုံးဖြတ်ချက် ၂ ခု ချလိုက်တယ်။ ၂ဝ၁ဝ ရွေးကောက်ပွဲအတွက် NLD ပါတီ ဗဟိုဦးစီးအစည်းအဝေးရဲ့ ဆုံးဖြတ်ချက်အရ ကန့်ကွက်သူမရှိ ရွေးကောက်ပွဲ မှတ်ပုံမတင်ဘူး။ နောက်တချက်က မှတ်ပုံမတင်သော်လည်း ပါတီကို မဖျက်သိမ်းဘူး”
အမျိုးသား ဒီမိုကရေစီ အဖွဲ့ချုပ် (NLD) ကိုယ်စားလှယ် များသည် ရွေးကောက်ပွဲတွင် ပါတီမှတ်ပုံ မတင်ရန် ဆုံးဖြတ်ချက် ယနေ့ ချမှတ် လိုက်သည်။
NLD ရုံးချုပ်၌ ကျင်းပသော မှတ်ပုံတင်ရေး မတင်ရေး ဆွေးနွေးပွဲတွင် NLD ကိုယ်စားလှယ် ၁၁၃ ဦးတို့က မှတ်ပုံမတင်ရန် ဆုံးဖြတ်လိုက်ခြင်းဖြစ်သည်။
NLD ပြန်ကြားရေး အဖွဲ့ဝင် ဦးအုန်းကြိုင်က “ဗဟို ဦးစီး အဖွဲ့ဝင်များရဲ့ ဆွေးနွေး ချက်များအရ နအဖက ထုတ်ပြန် ထားသော ၂၀၁၀ ခုနှစ် ရွေးကောက်ပွဲ ဆိုင်ရာ ဥပဒေ များသည် လုံးဝ မျှတမှု မရှိတော့ပါသဖြင့် NLD ကို ထပ်မံ မှတ်ပုံတင် တော့မည် မဟုတ်ကြောင်း အများ သဘောတူ ကန့်ကွက်သူ မရှိ ဆုံးဖြတ်သည်” ဟု ပြောသည်။
ဒေါ်အောင်ဆန်း စုကြည် အပါအ၀င် နိုင်ငံရေး အကျဉ်းသား အားလုံး လွှတ်ပေးရန် ဆုံးဖြတ်ချက် ကိုလည်း ချမှတ် လိုက်ကြောင်း ၎င်းက ဆက်ပြောသည်။
ဥက္ကဋ္ဌ ဦးအောင်ရွှေကကျန်းမာရေး အရ အစည်းအဝေးသို့ တက်ရောက်ခြင်း မရှိသော်လည်း ပါတီခေါင်းဆောင် ဒေါ်အောင်ဆန်း စုကြည် ဆုံးဖြတ်ချက် အတိုင်း လိုက်နာမည်ဖြစ်ကြောင်း စာတစောင် ပေးပို့ခဲ့ကြောင်း သိရသည်။
ဦးအောင်ရွှေ၏စာနှင့် ဒေါ်အောင်ဆန်းစုကြည် ပေးပို့ခဲ့သော သဘောထား ရေးသားထားသည့် စာကို ဦးဉာဏ်ဝင်းက ဖတ်ပြခဲ့ပြီး ဆုံးဖြတ်မှုများဖြစ်သည်။
ဒေါ်အောင်ဆန်းစုကြည်က တရားမျှတမှုမရှိသည့် ရွေးကောက်ပွဲ ဥပဒေအောက်တွင် ပါတီ မှတ်ပုံတင်ရေး အတွက် စဉ်းစားခဲ့ခြင်း လုံးဝမရှိကြောင်း ပြောကြားခဲ့ပြီး ၆ ရက်အကြာ ယခု ဆွေးနွေးပွဲကို ကျင်းပခြင်း ဖြစ်သည်။
အဖွဲ့ချုပ်ဝင်လူငယ် ၅၀ ကျော်ခန့်ကNLDအဖွဲ့ချုပ်ရုံးရှေ့တွင် နိုးအမှတ်တံဆိပ်ပါ တီရှပ်အဖြူရောင် ဆင်တူဝတ်ဆင်ထားကြပြီး
ပြည်နယ်နှင့်တိုင်းအသီးသီးမှ တက်ရောက်လာကြသော ကိုယ်စားလှယ်များကို စံပယ် ပန်းကုံးများနှင့် အောင်သပြေပန်းများ ကမ်း၍ ကြိုဆိုခဲ့ကြသည်။
“အခြေခံဥပဒေဟာ လုံးဝ လက်ခံနိုင်စရာမရှိတဲ့အတွက် မှတ်ပုံမတင်ပါဘူး” ဟု တနင်္သာရီတိုင်း ရေဖြူ မြို့နယ် ကိုယ်စားလှယ် ဦးတိုးပိုး က ဆိုသည်။
ဦးတိုးပိုးကဲ့သို့ပင် ကချင်ပြည်နယ်မှ ဦးမြသိန်း၊ ကရင်ပြည်နယ်မှ ဒေါ်နန်းခင်ထွေးမြင့်၊ ချင်းပြည်နယ်မှ ဦးအောင်သာ၊ ပဲခူးတိုင်း မှ ဦးအောင်စိုးမြင့်၊ ရှမ်းပြည်နယ်မှ ဒေါ်ခင်မိုးမိုးတို့က ဖွဲ့စည်းပုံအခြေခံ ဥပဒေကို လက်သင့်မခံကြောင်း၊ ရွှေဂုံတိုင် ကြေညာစာတမ်း ကိုသာ ကိုင်ဆွဲထား၍ မှတ်ပုံမတင်ကြောင်း ပြောဆိုသည်။ သို့သော်လည်း ကချင်ပြည်နယ်မှ ဦးတင်ဝယ်က မှတ်ပုံတင်သင့်ကြောင်း ပြောဆိုသည်။
NLD ပါတီသည် ၁၉၈၈ ခုနှစ်တွင် စတင် တည်ထောင်ခဲ့ပြီး ၁၉၉၀ ပြည့်နှစ် ရွေးကောက်ပွဲတွင် လူထုထောက်ခံမဲ အများဆုံးဖြင့် အနိုင် ရရှိခဲ့သည်။
1 comments:
လာလည်ပါတယ်။
ဖိတ်ခေါ်ပါတယ်။
ကိုခိုင်
http://kokhine.blogspot.com
Post a Comment