Tuesday, November 17, 2009
ကျမလည်း ဇိုရာဖန်း လေး ကို တော်တော်လေးစားချစ်ခင်မိပါတယ် သူမ ကို ပြီးခဲ့တဲ့ကရင့်တော်လှန်ရေးနေ့မှာမြန်မာပြည်တစ်နေရာ
မှာဆုံ တွေ့ ခဲ့တာ သူမရဲ့ ရဲရင့်ထက်မြတ်ပြီး သြဇာညောင်းလှတဲ့ အသံကို ကျမ ကြက်သီးတောင်ထမိပါတယ် ကျမထက်အများကြီးကို
ငယ်မဲ့ကလေးမလေးပါ ခုတော့ သူ့ ဘ၀ တော်လှန်ရေး ထဲမှာ ကိုမိုးသီးပြောသလိုကရင့်တော်လှန်ရေးအလံတစ်ဖက်ခွပ်ဒေါင်းအလံက
တစ်ဖက်နဲ့ သူမလည်း ပြည့်သူ့အတွက် ရပ် နေရပြန်ပါပြီ --မေအိခင်(လယ်ဝေး)
မာနယ်ပုလောမကျခင် မန်းရှာအိမ်က ကျနော်တို့ အားလုံးအတွက် စားအိမ်သောက်အိမ်၊နိင်ငံရေးပြသနာပေါင်းများစွားကိုအဖြေရှာတဲ့နေရာဖြစ်ခဲ့ဘူးတယ်။ ကျနော်တို့ နိင်ငံရေးအကြောင်းတွေကို အပြင်အထန်ဆွေးနွေးနေရင် ဆရာမန်းရှာဇနီး က ချက်ပြုတ်နေရင် နားစွင့်နေတယ်။ ဒီအချိန်မှာ မီးဖိုချောင် အပေါက်ဝ က ကုတ်ကုတ်လေးထိုင်ပြီးကြည့်နေတဲ့အသက် ၁၀ နစ်ခန့် ရှိတဲ့ ကလေးတယောက်ကိုလည်းသတိပြုမိတယ်။ ခုတော့ဒီကလေးက ကရင့်အမျိုးသားအလံတဖက်၊ ခွပ်ဒေါင်းအလံတဖက်ကိုကိုကိုင်ပြီး ကျနော်တို့ နဲ့ အတူတိုက်ပွဲဝင်လာရမယ်လို့ ကျနော် မထင်ထားမိခဲ့ပါဘူး။ သူကတော့ဇိုရာဖန်းပါ။
-----------------------------
ကျနော် အင်္ဂလန် သို့ ရောက်စဉ် ဇိုရာဖန်း နဲ့ တွေ့ ဆုံခဲ့တယ်။ ကျနော်တို့  တည်းနေရာ ဒက်ကနန် ဟိဝေး ရပ်ကွက်သို့ သူလာခဲ့သည်။ သူကိုမတွေ့ တာ ၁၀ နစ်နီးပါးကြာခဲ့ပြီဖြစ်ပါတယ်။ မနပုလောမကျခင်မှာသူကိုနောက်ဆုံးတွေခဲ့တယ်။ သူရယ်၊သူအဖေမန်းရှာရယ်၊သူမိခင်ကြီး နန်းရွေကျင်ရယ်။ သူအကို စေးစေးရယ်။သူအဖေသည်ကရင်တော်လှန်ရေးတွင်ကျဆုံးခဲ့ပြီ၊သူမိခင်ကြီးသည်လည်း တော်လှန်ရေးရဲဘော်တဦးဖြစ်ခဲ့သည်။ စက်သွယ်ရေးရဲဘော်တဦး၊၁၉၇၀၀န်ကျင်းကာလ မဆလခေတ် ဖြတ်လေးဖြတ်ကာလတွင် ရိုင်ဖယ်သေနပ်ကိုလွယ်ပြီး ရေစီးကြမ်းသော စစ်တောင်းမြစ်ကိုဖြတ်ကူးခဲ့သည့် အကြောင်းကိုကျနော်တို့ နားထောင်လို့ မရိုးခဲ့ဘူး။ ကရင်အမျိုးသားလှုပ်ရှားမှုမှာ သူ့ မိဘ နစ်ပါးစလုံးအသက်ပေးခဲ့ကြပါပြီ။ သူဟာငယ်သေးတယ်။ လူငယ်တယောက်ရဲ့ ပျှော်ရွှင်မှုတွေအပူအပင်ကင်းမှုတွေ သူခံစားသင့်ပါတယ်။
--------------------------------
သူဘ၀မှ ဒီအခြေအနေမရှိခဲ့ပါဘူး။ ကရင့်အမျိုးသားလှုပ်ရှားမှုက သူဘ၀ကို နက်ရှိုင်းစွာတည်ရှိနေတယ်။
စစ်အစိုးရကြောင့် ဒုက္ခအထွေထွေခံစားနေရတဲ့ ရင့်အမျိုးသားတွေ၊အမျိုးသမီးတွေ၊ကလေးသူငယ်တွေ
အတွက် သူဟာ မျက်မြင်သက်သေဖြစ်နေရ ပါပြီ။
သူမျက်နာကိုတွေ့ တော့ သူအဖေကိုသတိရလာမိတယ်။ သူမျက်နာသိပ်မပြောင်း၊ အလွန်းအမင်းရှက်တဲ့ပုံတော့မရှိတော့ဘူး ။ ကိုယ်ကိုကိုယ်ယုံကြည်မှုတွေရှိနေတယ်။ သူဖခင်ကြီးလိုပဲ ယုံကြည်မှုရှိတယ်။ ခင်မင်စရာကောင်းတာတွေရှိနေတယ်။ သူလုပ်နေတဲ့ လှုပ်ရှားမှု၊ နိင်ငံတကာ လှုပ်ရှားမှုအတွေ့ အကြုံတွေကို သူပြောပြတယ်။ သူရဲ့ ပြောင်းလဲတိုးတက်လာမှုတွေကို ကျနော် ၀မ်းသာမိတယ်။ သူရေးထားတဲ့သဘ၀အကြောင်းစာအုပ်ကိုကျနော်ကိုလက်ဆောင်ပေးတယ်။
အတုံးအရုံးပြုလဲမှုတွေကြားမှာ ရုမ်းကန်ထနိင်စွမ်းရှိနေတဲ့သူကို ဂုဏ်ပြုတဲ့အနေနဲ့  ခွပ်ဒေါင်းအလံတလက်အမှတ်တရပေးခဲ့တယ်။ဒီအလံကိုသိမ်းထားပါ။ခွပ်ဒေါင်းအလံဆိုတာအဖိနပ်ခံပြည်သူတွေဖက်ကအမြဲရပ်တည်နေမယ်ဆိုတဲ့သဘောပါ။ ကရင်အမျိုးသားတွေအတွက်ကရင်ပြည်နယ် ရပါစေ သမီး။
- မိုးသီးဇွန် -
မြန်မာပြည်လွတ်မြောက်ရေးအဖွဲ့ ချုပ်- FBF
0 comments:
Post a Comment