Saturday, February 12, 2011
ဖေဖေါ်ဝါရီ ၁၃ မှာ
ဗိုလ်ချုပ်မွေးနေ့ ပါ
၁၉၁၅ ရှေ့နေ ဦးဖာသား
ဇာတိနတ်မောက် မကွေးခရိုင်
သိကြများခုတိုင်
ကြံ့ကြံ့ခံတဲ့ဇာနည်ဖွါး
မိခင်ဒေါ်စုသား
ပြည်ထောင်စုရဲ့ကျေးဇူးရှင်ဗိုလ်ချုပ်ဒို့ ဖခင်
ကောင်းစေ့ချင်တဲ့အမှာစကား
ငါတို့ မမေ့ အား
ပြည်ထောင်စုကြီး တိုးတက်အောင်
ပြည်ချစ်ဒို့ ခေါင်းဆောင်
ဒီမိုကရေစီလမ်းစဉ်များဗိုလ်ချုပ်ချမှတ်သွား 
အဲဒီ့လိုဗိုလ်ချုပ် အမှတ်တရ ကဗျာရွတ်ဆိုပွဲ ကို ၁၉၉၆ ခုနှစ် ဗိုလ်ချုပ်မွေးနေ့ 
မြန်မာနိုင်ငံကလေးများနေ့ မှာ ဒေါ်အောင်ဆန်းစုကြည် နဲ့အတူတကွ ကျမတို့ 
တွေ ကျင်းပခဲ့ကြတယ် ။ဒီပုံလေးကတော့ကျမဘလော့မှာတင်ထားတဲ့ ကျမရဲ့
သမီးကြီး ထက်ရည်မွန် (ရည်မွန်ထိတ်ထား)နဲ့ ကျမတို့ ခေါင်းဆောင်တို့ အဲဒီ့
နှစ်ကကလေးများနေ့ မှာအမှတ်တရ ပုံလေးပေါ့ ။ ကျမသမီးကြီးက ဗိုလ်ချုပ်
ဗိုလ်ချုပ်ဒို့ ဗိုလ်ချုပ်ဆိုတဲ့ကဗျာလေးကို တတွတ်တွတ် အော်ရွတ်တက်နေတဲ့
အချိန်ပေါ့ ။
၁၉၉၅ ဇူလိုင် ၁၀ ၇က်နေ့ ကျမတို့ ခေါင်းဆောင် ပထမအကြိမ် (၆)နှစ်အကျယ်ချုပ်ကပြန်လွှတ်လာပြီး ကျမတို့ လူငယ်တွေအန်တီအိမ်ရဲ့
ရှေ့ခန်းလေးမှာပဲတွေ့ ဆုံဆွေးနွေးမှုတွေ စာပေဆွေးနွေးတာတွေစတင်ခဲ့ကြတယ် ။ အဲဒီ့မှာအန်တီနဲ့ ပတ်သတ်လို့  ကလေးများအပေါ်
အမြင်သဘောထားလေးတစ်ခုနဲ့ ကျမကိုသွန်သင်ပြတာလေးပြောပြချင်လို့ ပါ။ကျမ ပါတီလူငယ်တာဝန်ယူပြီးသမီးကြီး တိုးလို့ တွဲလောင်း
နဲ့ အစည်းအဝေးပွဲတွေ စာဖတ်ဝိုင်းတွေတက်လ့ရှိပါတယ်။ တနေ့ မှာ အန်တီနဲ့အတူစာအုပ်တစ်အုပ်အကြောင်းဆွေးနွေးနေကြတုန်း
ကျမသမီးကြီးက ကျမကိုပေါင်ကနေ ကိုယ်ကိုတွယ်တက်ပြီး အန်တီ့ရဲ့မျက်လုံး ကိုကြည့်ပြီး စိတ်တ၀င်တစားနဲ့  ဗိုလ်ချုပ်သမီးဆိုတာအိုက်
ဖွါးဖွါးနော်မေမေ ဆိုတာရယ် ဖွါးဖွါးက သမီးကိုမျက်လုံးပြူးပြီးကြည့်နေတယ်ဆိုတာရယ် ခဏ ခဏ မေးလိုက်ပြောလိုက်လုပ်နေပါတယ်။
အန်တီက စာအုပ်ထဲက ဆွေးနွေးခန်း(ကျမအသေအချမမှတ်မိပေမဲ့ ပါရဂူရဲ့စာအုပ်ဖြစ်ဖို့ များပါတယ်) ကိုသူ့ အလှည့်ရောက်တော့သူ မ
အမြင်ရှင်းပြနေဆဲမှာမို့ ကျမ သမီးကြီးကို စိတ်တိုပြီး တိတ်တိတ်နေ ငြိမ်ငြိမ်နေလို့ တိုးတိုးလည်းပြော လက်ကလည်း ဗိုက်ခေါက်လိမ်ဆွဲ
မဲ့ ဟန်လုပ်လေတော့ အန်တီစု က သိတ်ပါးပါတယ် မြင်သွားပြီး ကျမ ကို ကလေးမေးချင်ရာမေးပါစေ ဖြေပါ မဆူပါမရိုက်ပါနဲ့တဲ့  ။
နောက်ဆက်တွဲ အန်တီဆက်ပြောတာသူငယ်ငယ်က ဘယ်လောက်အမေးအမြန်းထူလဲဆို အဖွါးကို ကုတင်ဘေးမှာပန်ုပြီးတော့ကို သိချင်
ရာအကုန်မေးတာတဲ့ --ကလေးမေးတာကို ဟန့်တားရင် အိုက်ကလေး တိုးတက်မဲ့အမြင်တွေကို ဟန့် တားတာပဲတဲ့ --အဲ ကလေးကိုဖြေ
ရင်တော့လက်လွှတ်စံပါယ် ပြီး --ပြီးရော မဖြေပါနဲ့ တဲ့ မိခင်က အဖြစ်မှန် အခြေအနေမှန်ကို မလိမ် မကွယ်မညာပဲ ဖြေရမယ် တဲ့ ။ဒီလို
အမေးအမြန်းထူတဲ့ကလေး နဲ့ ကလေးကိုဖြေကြားမဲ့လူကြီးမိဘကလည်း စိတ်ရှည်ရှည် နဲ့ ဖြေပြမယ်ဆိုရင် အိုက်ကလေးသိတ်တော်တဲ့ 
ကလေးဖြစ်မယ်တဲ့ လေ ။ ပြီးတော့ ကျမသမီးကြီးကို သူ့ ပေါင်ပေါ်တင်ချော့မော့ပြီးစိတ်မရှည်တဲ့ ကျမ ဆုံးမခဲ့ဖူးပါတယ် ။ အန်တီ့ရဲ့
ကလေးငယ်တွေအပေါ် တိုးတက်အောင်မြင်အောင် သူတို့ မေးခွန်းတွေ ကို မလိမ်မညာ ပြီးပြီးရောအလွယ်သဘောနဲ့ မပြောရဘူးဆိုတဲ့
ဆုံးမသွန်သင်ခဲ့မှု ဟာ အနာဂတ်မျိုးဆက်သစ် ကလေးငယ်တွေ အပေါ်သိတ်ကို အကျိုးဖြစ်စေတာမို့  မြန်မာနိုင်ငံကလေးများနေ့ အတွက်
အကျိုးဖြစ်စေမဲ့ ဖခင်ကောင်းခေါင်းဆောင်ကောင်းရဲ့သမီးမြတ် ရဲ့ စေတနာကိုလက်ဆင့်ကမ်းလိုက်ပါတယ် ။။
မိခင်တိုင်း သားသမီးတွေအပေါ်စိတ်ရှည်စွာမေးသမျှဖြေတက်ပါတက်ပါစေ ။။
0 comments:
Post a Comment