welcome

၈၈၈၈ ကို ဘယ်သူတွေ စခဲ့စခဲ့ ပြည်သူတွေရဲ့ စုပေါင်းပါဝင်မှုက အခရာကျသလို ဘယ်သူတွေပေးဆပ်ပေးဆပ် အဖြူအစိမ်းလေးတွေရဲ့ နီရဲတဲ့သွေး တွေ က အမြဲ သက်သေ တည်နေပါတယ် ။

ဝီကီလိခ်ဆိုတာ မိတ်ဆွေပါ..(လူထု စိန်ဝင်း)

Sunday, December 19, 2010

အခုတလော ကမ္ဘာ့နိုင်ငံအတော်များများက အစိုးရတွေနဲ့ မီဒီယာလောကကြီးတစ်ခုလုံး ရင်တမမနဲ့ စောင့်ကြည့်နေကြရတဲ့ဖြစ်ရပ်ကြီးတစ်ခု ပေါ်ထွက်လာခဲ့တယ်။ အမေရိကန်အစိုးရရဲ့ လျှို့ဝှက်စာရွက်စာတမ်းတွေကို ‘၀ီကီလိခ်’ ဆိုတဲ့ အွန်လိုင်းမီဒီယာတစ်ခုက ဖွင့်ချဖော်ထုတ်နေတဲ့ကိစ္စဖြစ်တယ်။



ရမ်းတုတ်တွေလည်းပါလိမ့်မယ်

အခုလောလောဆယ် ဖော်ထုတ်ထားတာတွေထဲမှာ နိုင်ငံခြားတိုင်းပြည်တချို့မှာရှိတဲ့ အမေရိကန်သံရုံးတွေက သူတို့နိုင်ငံအစိုးရဆီကို လျှို့ဝှက်ပေးပို့တဲ့စာတွေဖြစ်တယ်။ သံရုံးတွေက သူတို့ရောက်ရှိနေတဲ့ နိုင်ငံနဲ့ပတ်သက်တဲ့ အကြောင်းအရာတွေကို လျှို့ဝှက်တင်ပြထားတာမျိုးတွေ ဖြစ်တဲ့အတွက် နိုင်ငံတိုင်းလိုလိုက သူတို့အကြောင်း ဘာတွေများရေးထားမလဲဆိုတာကို နေ့စဉ်ရင်တထိတ်ထိတ်နဲ့ စောင့်ကြည့်နေကြရတယ်။ အဖြစ်မှန်ကို တင်ပြထားတာတွေပါရှိသလို အမေရိကန်သံအရာရှိတွေ ထင်ကြေးနဲ့ရမ်းတုတ်ထားတာတွေလည်း ပါနေပါလိမ့်မယ်။



အနာပေါ်တုတ်ကျဖြစ်

မှားသည်ဖြစ်စေ၊ မှန်သည်ဖြစ်စေ ကမ္ဘာတစ်လုံးကိုတော့ လှုပ်ခတ်သွားစေခဲ့တယ်။ တချို့က လူမသိအောင်ခိုးကြောင်ခိုးဝှက်လုပ်ထားတာတွေကို လူသိရှင်ကြားဖြစ်အောင်ဖော်ထုတ်လိုက်လို့ အနာပေါ်တုတ်ကျဖြစ်သွားကြတယ်။ တချို့ကတော့ မမှန်မကန်လုပ်ကြံစွပ်စွဲပုတ်ခတ်ထားတာခံရလို့ သက်ဆိုင်သူ အမေရိကန်သံအရာရှိတွေကို စိတ်ဆိုးကြတယ်။ အမေရိကန်အစိုးရလည်း ခုတလော တော်တော်ကသိကအောက်ဖြစ်နေရတယ်။ ၀ီကီလိခ်ကိုဆက်ပြီးဖော် ထုတ်တာမလုပ်ဖို့ ဖိအားအမျိုးမျိုးပေးကြတယ်။ နည်းပညာစွမ်းသုံးပြီး ပိတ်ပစ်ဖို့လည်းကြိုးစားကြတယ်။ ဒါပေမဲ့ ၀ီကီလိခ်တည်ထောင်သူတွေကလည်း ကွန်ပျူတာပညာရပ်မှာ ထူးချွန်တဲ့ပညာရှင်တွေဖြစ်တဲ့အတွက် တားဆီးပိတ်ပင်လို့ မရနိုင်ခဲ့ဘူး။



အောက်တန်းကျတဲ့နည်း

အဲဒီတော့နိုင်ငံရေး၊ စီးပွားရေးလောကမှာလုပ်နေကျအတိုင်း ပုဂ္ဂိုလ်ရေးသိက္ခာကျအောင် Character Assassination လို့ခေါ်တဲ့ ညစ်ပတ်အောက်တန်းကျတဲ့နည်းကိုသုံးပြီး ၀ီကီလိခ်အဖွဲ့ကိုဦးဆောင်ဦးရွက်ပြုနေသူကို လိင်မှုကိစ္စနဲ့တန်ပြန်စွပ်စွဲပြီး ဖမ်းဝရမ်းထုတ်ခဲ့တယ်။ နိုင်ငံတကာ ပုလိပ်အဖွဲ့ (အင်တာပို)ကိုတောင်သုံးပြီး နိုင်ငံတကာဖမ်းဝရမ်းထုတ်ခဲ့တယ်။

စွပ်စွဲခံရသူပုဂ္ဂိုလ်က အင်္ဂလန်နိုင်ငံမှာ ကိုယ်တိုင်သွားပြီး အဖမ်းခံတော့လည်း အာမခံမပေးဘဲထားတယ်။ လူကိုဖမ်းထားပြီး ခြိမ်းခြောက်အကျပ်ကိုင်ဖို့ ရည်ရွယ်ပုံရပါတယ်။ ၀ီကီလိခ်အဖွဲ့ကတော့ သူတို့လုပ်ရပ်ကို ရပ်မပစ်ဘဲ ဆက်လုပ်သွားမယ်လို့ လူသိရှင်ကြားထုတ်ဖော် ကြေညာထားတယ်။



မှန်၊ မမှန်သာအဓိက

ဝီကီလိခ်တည်ထောင်သူဟာ ဘယ်လိုလူစားမျိုးဖြစ်တယ်ဆိုတာက သိပ်ပြီးအဓိကမကျပါဘူး။ သူတို့ ဖော်ထုတ်ချက်တွေ ဘယ်လောက်အထိ မှန်ကန်မှုရှိသလဲဆိုတဲ့အချက်ကသာ အခရာကျပါတယ်။ အခုထိ ဒီဖော်ထုတ်ချက်တွေဟာ လုံးဝမမှန်ကန်ပါဘူးလို့ အမေရိကန်အစိုးရက တရားဝင်ငြင်းဆိုတာမရှိပါဘူး။ ဒီဖော်ထုတ်ချက်တွေဟာ နိုင်ငံတကာဆက်ဆံရေးထိခိုက်ပျက်ပြားစေနိုင်တယ်။

နိုင်ငံအချင်းချင်းအကြားမှာ တင်းမာမှုတွေဖြစ်စေနိုင်တယ်။ ကမ္ဘာကြီးငြိမ်းချမ်းသာယာမှုကို ထိခိုက်စေနိုင်တယ်စတဲ့အကြောင်းပြချက်တွေနဲ့ပဲ ကန့်ကွက်ရှုတ်ချနေကြတယ်။ ၀ီကီလိခ်ဆက်လက်မတည်ရှိနိုင်အောင် နည်းလမ်းမျိုးစုံသုံးပြီး လုပ်ဆောင်ကြမှာလည်း သေချာတယ်။



သဘောထားလာမေးကြ

ဝီကီလိခ်ရဲ့ ဖော်ထုတ်ဖွင့်ချချက်တွေကိုသတင်းစာတချို့နဲ့ အသံလွှင့်ဌာနတချို့က တစ်ဆင့်ပြန်ပြီးတင်ပြကြတယ်။ သတင်းသမားဆိုတာ သတင်းတွေဖော်ထုတ်တာမှန်သမျှ သဘောကျရမှာပဲမဟုတ်ဘူးလား။

ပြည်သူလူထုသိသင့်သိထိုက်တဲ့ အရာမှန်သမျှရှာဖွေဖော်ထုတ်ရေးသားရမှာ သတင်းသမားရဲ့ အခြေခံအကျဆုံးတာဝန်ဖြစ်လေတော့ သတင်းဖော်ထုတ်ပြောကြားမှုမှန်သမျှ ၀မ်းသာအားရကြိုဆိုရမှာဖြစ်တယ်။



သိခွင့်မေးခွင့်ရှိ

ဒီမိုကရေစီခေတ်မှာ ပြည်သူလူထုကလည်း သူတို့ရွေးကောက်တင်မြှောက်ပြီး သူတို့ရဲ့အခွန်အတုတ်တွေထဲက လစာရိက္ခာကိုရယူနေကြတဲ့ အစိုးရတွေဘာလုပ်နေကြသလဲဆိုတာ သိချင်ကြမှာပဲ။ သိခွင့်၊ မေးမြန်းခွင့်လည်းရှိတယ်။ သတင်းသမားတွေက ပြည်သူလူထုသိချင်တာတွေကို သိအောင်လုပ်ပေးရတဲ့ တာဝန်ကိုယူထားသူများဖြစ်တယ်။ ဒါကြောင့် ဒီမိုကရေစီခေတ်မှာ သတင်းသမားတိုင်းလွတ်လပ်စွာမေးခွင့်၊ ရေးခွင့်ပြုကြရတယ်။ နိုင်ငံတိုင်းရဲ့အခြေခံဥပဒေတွေမှာ ထည့်သွင်းပြဋ္ဌာန်းပေးထားကြရတယ်။



တိုင်းပြည်ကိုလိမ်ညာခဲ့ကြ

နာမည်ကျော်ဝါးတားဂိတ်တို့၊ အီရန်ဂိတ်တို့ဆိုတာတွေဟာ သမ္မတတွေကိုယ်တိုင်က တိုင်းပြည်ကိုလိမ်ညာပြီး အာဏာအလွဲသုံးစားလုပ်ခဲ့ကြတဲ့ကိစ္စတွေဖြစ်တယ်။ သတင်းစာတွေက မရမကရှာဖွေဖော်ထုတ်လို့ နောက်ဆုံးမှာ ဘူးပေါ်သလိုပေါ်ပြီး ၀ါးတားဂိတ်ကာယကံရှင်သမ္မတနစ်ဆင်ရော၊ အီရန်ဂိတ်ဖန်တီးသူသမ္မတရေဂန်ရော၊ ရာထူးကဖြုတ်ချခံရမယ့်အရေးက သီသီလေးလွတ်သွားခဲ့ကြရတာဖြစ်တယ်။ ငါးဆယ်ခုနှစ်များနဲ့ ခြောက်ဆယ်ခုနစ်များအတွင်းကဆိုရင် စီအိုင်အေတို့ ကေဂျီဘီတို့လိုထောက်လှမ်းရေးအဖွဲ့အစည်းကြီးများဟာ လွှတ်တော်ကမသိအောင် တိုင်းပြည်ကမသိအောင် ထင်ရာစိုင်းပြီးလုပ်ချင်တာတွေလုပ်ခဲ့ကြတာပဲ။ လူသတ်ခွင့်လိုင်စင်ရထားတဲ့အဖွဲ့တွေလို့တောင် ပြောကြရတယ်။



လူသတ်လိုင်စင်ရအဖွဲ့

သမ္မတကနေဒီလက်ထက်က နာမည်ကျော် ၀က်ပင်လယ်ကွေ့ (Bay of Pigs)ဆိုတဲ့ ကျူးဘားနိုင်ငံကို ကျူးကျော်တိုက်ခိုက်မှုဆိုရင် လွှတ်တော်ကလုံးလုံးမသိဘဲ စီအိုင်အေက စီစဉ်လုပ်ဆောင်ခဲ့တာဖြစ်တယ်။ ကျူးကျော်တပ်တွေအကုန်လုံး ချေမှုန်းခံရပြီးမှလူတွေကသိခဲ့ကြရတယ်။ အဲဒီနောက်လည်း ကက်စထရိုကိုသတ်ဖို့ စီအိုင်အေက အကြိမ်ကြိမ်ကြိုးစားကြံစည်ခဲ့တယ်။ သမ္မတကနေဒီ ကိုယ်တိုင်လုပ်ကြံခံလိုက်ရတော့လည်း အစစ်အမှန်အဖြစ်မှန်ကို ဘယ်သူမှမသိခဲ့ရဘူး။ ၀ါရင်းကော်မရှင်ဆိုတဲ့စုံစမ်းရေးအဖွဲ့ရဲ့ အစီရင်ခံစာအများအပြားကိုလည်း နိုင်ငံတော်လုံခြုံရေးအကြောင်းပြချက်နဲ့ မထုတ်ပြန်ဘဲ လျှို့ဝှက်ထားခဲ့ကြတယ်။ ဒါကြောင့် ဒီနေ့အထိကနေဒီ လုပ်ကြံမှုရဲ့ တရားခံအစစ်ဘယ်သူလဲဆိုတာကို ကမ္ဘာက မသိနိုင်ခဲ့ကြပါဘူး။



ထောပနာပြု

အင်တာနက်ခေတ်ထဲမှာတောင် ပါးစပ်ကပွင့်လင်းမှု၊ ထင်သာမြင်သာရှိမှုဆိုတဲ့စကားတွေ အမြှုပ်တစီစီထွက်အောင်ပြောနေပေမယ့် . . . ရိုးရိုးသာမန်တိုင်းသူပြည်သားများအတွက်တော့ ၀ီကီလိခ်ဟာ မိတ်ဆွေပါ။ ခုခေတ်မှာ အပြောများတဲ့ ‘လူထုသတင်းသမား’ (Citizen Journalist) လို့ပြောရင်လည်းရတယ်လို့ပဲ ထောပနာပြုလိုက်ပါတယ်။

ယနေ့ ထုတ် ဝေသည့် News – Eleven အပတ်စဉ် ထုတ် သတင်းစာ မှ ကူးယူဖော်ပြသည်/

လူထု စိန်ဝင်း
December 20, 2010
by Aco Lyte on Monday,

1 comments:

မြန်မာပြည်သားတိုင်း ဖတ်ဖြစ်အောင် ဖတ်ပါ said...

မြန်မာပြည်သားတိုင်း ဖတ်ဖြစ်အောင် ဖတ်ပါ

မြန်မာပြည်၌ ကမောက်ကမ ဖြစ်ချင်ရာဖြစ်နေပုံကို ထိမိစွာ ခနဲ့ခြင်း

http://simpleviewsonmyland.blogspot.com/2010/12/blog-post_21.html